E funkcija kathar o Romarchive si te barjarel o procheso kathar dekonstrukcija/perajimos thaj rekonstrukcija/nevo-kerimos kathar Romani historija, arti thaj kulturi. Neve narativura kathar li duj, o akanutnipe thaj o anglipe, trobun te aven kerdine thaj ferime vash anglipeske gineraciji.
O RomArchive kamel te marel-pe kontra thaj te peravel na feri o strukturalnone lumjako/temporalno rasizmo kaj ingardjas kaj anti-ciganicka reprezentaciji kathar Romane identitetura, arti, thaj kulturi, numa thaj-vi o rrindipe kathar Non-Romane perspektivura maj-opral kathar Romane perspektivura ande kuluraki mal.
O materialo avela kidime thaj prezentime te shinavel o antrego dometo kathar le Romende** sar protagonistura, adjentura vash parudzhimos, ashile-zhivinde thaj kontributora kaj primari/generalni kulturi thaj socijetetura. Kadi thaj-vi kerel seguro ke le Roma chi dikhjon te aven viktimura.
RomArchive si kulturalno projekto numa del-pe gindo thaj si ankolime kathar pesko politkalano konteksto.
E buchi kathar le individualni arxiveske/arhiveske sektora naj kerdini te avel ekh baro thaj reprezentickone rodimasko projekto, numa maj te avel ekh kuratime kidimos kaj respektil kadale principlura thaj gidake-liniji.
- O RomArchive kerel kontribucija kaj o kulturalno thaj intelektualno diversiteto kathar e Europa.
- O RomArchive barjarel o vizibiliteto kathar le Romane kulturi, specialnones ande penga personalno reprezentacija. Thaj-vi o RomArchive rodel zurales te barjarel o kipo, e importancija thaj o rindo kathar kadale kulturi. O arxivo/arhivo prezentil e historia, e shib thaj le kulturi le Romenge sar historikalni dobitkura te avel ferime, respime/bufljarde, thaj dine kadale gineratcijatar kaj le anglipeske gineraciji.
- O RomArchive del garantija pe egalni chachimata thaj egalno trajo/tretmano swakorengo bi-importancijako kathar e dzhendra, e polekra, o pakjajimos/e religija, e seksualno orientacija vaj o bangjarimos/handikapo. Feri ekh atmosfera kathar mutualno pakiv kerela krejativno thaj produktivno buchi.
- O RomArchive del garantija kathar slobodija kathar personalno gindo/opinija, slobodija kathar artisticko ekspresija/buchi, thaj rodimos thaj kuratorialno awtonomija.
- O RomArchive shudel/odbil rasizmo thaj seksizmo.
- Le kuratora den solax/swato te keren seguri ke pengi buki aresen kaj le maj lashe rindura kalitetostar, thaj ke pengi interakcija le kontributorensa si pakivali thaj chachuni. Chi jekh artista avela inkluzhime ando Arxivo/Arhivo kana chi kamel te inkluzhisavol. Kana ame thas/chuvas publikacija po Interneto, personalne thaj awtoreske pravura (kana ame zhanas) thaj-vi pravura pe kirija thaj literalni pravura avena zurales arakhadjile.
- Thaj-vi le kuratora den solax/swato te na keren hazna kathar penge ekspertizura vaj talentura, vaj te meken te kerdjol hazna penge ekspertizura vaj talentura vash funkciji kaj zhan protif le celura le Arxiveske/arhiveske, vaj pala penga personalno hazna,
- O RomArchive del-pe te mekel te Romen te aven le xulaja kathar le kontentura thaj-vi kompletno participacija le Rommengi.
- O alomoski selekcija vash inkluzhia ando arxivo/arhivo si le artististicko kaliteto kathar e prama/o artifakto vaj peski importancija ande kulturalno historija.
- Stereotipikalni vaj aver akushimaske reprezentaciji*** feri shaj te aven inkluzhime ando arxivo/arhivo la kontekstualizacijasa vaj la dekonstrukcijasa kathar o kontento te opril/ashavel maj but nasul vaj violacija. Kadi restrikcija si egalno vash le Romende
- O Romarchive si fundamentalno kerdo te aresel ekh bari audiencija kaj si o baro dimos-andre. Dimos-andre vash won kaj keren hazna kathar o arxivo/arhivo avela ivja.
- O RomArchive chi suportil chi-jekh politikalno partida vaj asosiacija thaj kam-respektil le principlura kathar o vizibiliteto ande sare peske aktivitetura.
- O RomArchive kidel thaj prezentil/sikavel artifaktura thaj narativura ande le originalni thaj diferentni dialectura kathar e Romani shib. Kana ame tolmachis Romanes, ame keras hazna kathar la Internacionalnonja akademikicko Romani shib.
[*] Kadale etiki gidake-liniji reprezentin o modelo thaj le principlura vash o projekto antrego kaj gubernil/stepenil peske trin maj-bare sferi – kidimaski politika, politika vash dimos andre thaj prezentacijaki politika. Vuni kathar kadale etniki gidake liniji si maj bufljarde ando dokumento “Kidimaski Politika.” Pushimata kathar komunikacija, jorsagoske pravura, thaj avrune lovengo rodimos si kontrolime ande kontraktura le individualnone kuratorensa.
[**] Ame keras hazna kathar o swato “Roma” te las and’ angali ekh baro diversiteto kathar le grupura lino and’ angali pa o RomArchive: pe jekh vast a) Roma, Sintura/Manush, Calé, Kaale, Romanichals, Bojash/Rudari: b) Balkanura: Egiptanura thaj Ashkali: c) Estikanicka grupura: Dom, Lom thaj Abdal: thaj pe kaver vast le grupura sar Phirutne, Jeniche, thaj le populaciji akhardine telal o administrativno swato “Gens du voyage” (Zhene kaj phiren). Thaj-vi le zhene kaj akharen-pe Gypsies.
[***] Rasisticka vaj stereotipikalni reprezentatsiji shaj huladjon ande trin diferentni kategoriji: rasizmo kaj si jazno thaj personalno, bi-samako, aksidentalno vaj intencionalno hazna kathar stereotipura, thaj intencionalno (strazhno, provokativno) artisticko strategija te lel sama kathar rasizmo thaj stereotipura.
Marto 21, 2017