‘Me lošanava/bahtalo sem pe fakto soske i kamera si but paše thaj e fotografije si but loke, numa/aba vi dureder ko olengere narativija isi lošalipe.’

Pablo Vega

Sinopsiso

O protagonisto ko akava skurto dokumentarno filmo si i Alica Sigmund Heráková, voj ko olakere bišupandž berš dodžanela/hačarela kaj kotar olakeri dadeskeri rig isi ola dopaš Romano avipe/kaj si Romani. Trujal e sasti serija kotar e na-formalno intervjuora thaj i personalna naracija, kola si rekordirime ko olakero kher ja palem ko lokacije save si paše olate, amen avas pašeder dži ki Alica, sar te sit e phenes voj amencar bešel pe jekh mesaja, amen šunas olakero gindo vaš e javera problemora pangle e Romane minoriteteja ki Čhehisko Republika, čhuvindoj andre/genindoj i segregacija ki fundavni šhkola, e negativno prejudicije sar vi e rasističko dikhiba mamuj e Roma.
O than umal/areja kote so voj trail lošale pire familijaja, kodo si sa dži kote na dodžanel kaj olakero avipen si Romano, odori train vi e Roma, aba i gentrifikacija si te pharuvel pes e bešutnengi populacijaki kompozicija. Amen resljardam vi historisko dikhiben pe akava kotor ko Brno, kote so bešutne sine e Bibolde angleder te oven bičhalde ko koncentracijake kampora ko Dujto Lumako Maripe.

I Alica reflektirinena i percepcija pala kodo sar e Roma koristinena lena/bešena ko publično than thaj sar akala gindora sikavena pes ko olengere socijalno khedina,vi pala kodo so naj ažutisarde e adekvatno publičhno thanencar (sar te phenas naj bešipaske thana/klupa/banka thaj kodo na del šaipe e manuša te ‘keden pes’).

Dži pe nesavo nivelo vorbisarel pes kidijal ‘amen sar Roma’, a te len pes personalno vorbe, i Alica vi dureder mothovel ‘von si’ khana kerela o intervjuora, thaj voj kerel komentaro kaj von si javer-čhande percepcirime. Vi pala adava, i Alica džanela koborom si komplexsno o duvar kerdo identiteto. O filmo čhuvela andre, lokore filmeske instrumentora, numa/aba/akava si doperdo/komplementirimo e buteder authentično Romane karakteroncar thaj atraktivno personalno narativencar.

Alica si o avgo filmo kerdo kotar e Vera Lackova, terni Romani džuvli režiserka savi si prezentirimi vi ko filmo khana voj thaj i Alica vorbisaren. Voj rodela o phučhibe pala o korkorutno-identiteto thaj i korkorutni-reprezentacija kotar e intimno perspektiva – o protagonisto si fizički but paše dži ki kamera– sar te phenes pindžarel e Alica varesavi vrama. (I Alica akana sigate kerdas buči sar PR menadžero vaš e Mediako Glaso produkcisko kompanija, so sine vazdimi kotar e Vera Lackova).

O filmo fokusirinela pes pe tematora save so naj len glaso ko bare glavno/medije, numa palikenrindoj e Lackova Verake thaj olekero aktivno leibaja than ko javera filmsko produkcije vi socijalno medijake projektura olakere aktivitetija akana si dureder pendžarde.