O Alija Krasnići vorbil ekstensivno pa peska familjaki pozadina, pa peskê njamura, kaj barjarde les, thaj pa kaća eksperijansa, kaj formisisardja lesko trajo thaj lesko identiteto. Vov kêrel svato pa l’ maj anglune řomane publikacijakê aktivitetur ande Jugoslavija thaj e influjencija pe leste. Pala kodja vorbil vov pa peskê maj anglune publikacije ando Kosovo thaj vi pa peskê publikacije ande Subotica (Srbija) aj kodja maj buhles ande but fjal. Vov sîkavel peski bari motivacija, te anel angle e ko-operacija maškar le řomane avtorur thaj leskê aktivitetur ande diverzni thema, uključime nagrade thaj translacije. Po gor del duma vi pa peskê futurni publikacijakê planur.
O intervjuo ankêrdilo ande Subotica ande le Alijasko khêr.
(Translacija: Mozes F. Heinschink)