O dokumentarno filmo Khamlipe thaj holi, kartografija kotar anticiganizmoskere bilačhipena si serija intervjuendar kerdine e Rromane komunitetakere membroncar kotar thana andeValencia, Espania, save so phenena pengere eksperience sar minoriteto. O režisero, José Heredia Moreno, sociologo thaj lačhe prendžardo aktivisto vaš Rromane buča, ko jekh intervju phenel kaj e filmosko alav, “Khamlipe thaj holi”, aludirinela ki komplicirimi relacija maškar e rromani komuniteta thaj i dominantno komuniteta, kaj šaj te ovle šajipe vaš kulturako dopheribe, numa vi vaš džaibe pe javereder droma.

Vi kodo kaj sine buteder thana vaš lokacija, El Palmeral, cikno na-privelegirimo than kote si Rromani mahala ando Elche, Alicante, portretirimo si sar than pe instituciolizirimo rasizmo so dukhavdas e Rromen, leindoj kate vi ande komuniteta, pe socijalno, edukacijakere, policijakere dukhaviba, bilačho sikavibe ande media, so šaj te aplicirinel pes kote vi te ovel ando sasto them.
E protagonistorua save so pe jekh vrama si vi naratorura, si e manuša so trajin ande El Palmeral thaj diskutirinena vaš o anticiganizmo an pengo sakodivesko trajo thaj sakodiveseskere aktivitetura pe leno intervju. O vačaripa thaj e testimonije kotar e manuša so trajinas paše dži lende, vi von vačaren khetane e rromane intelektualconcar thaj aktivistoncar sar so si o Isaac Motos Perez vaj o Nicolás Jiménez, savo so dži pe detalura keren analiza pe anticiganizmo thaj keren dekonstrukcija pe but kliše so egzistirinena vaš kodi buči.

O José Heredia Moreno lela jekh simplo filmikani tehnikja vaš kodo temato. I kamera astarela kotar jekh objektivno perspektiva; naj pašeste fremura, naj filterura thaj naj muzika te akharel vaj te kerel varesavi percepcija vaš e manuša save so dikhen o filmo. O manuš so kerel intervju naj maškaral, vov ka phenes na dikhela pes kana e manuša so trajin jekh dži jekheste dena pengo intervju. Pe kodo drom o režisero sugeririnela kaj e dokumentarno filme kerela I komuniteta, kolesar kerela e akterondar realno thaj civilno vi themeskere agentura so anena dži pe varesave preiranipa thaj pharuvipa.
O dokumentarno filmo sasa mukhlino pe Youtube thaj sasa sikavdino pe nekobor Espanijakere forura, numa e filmosko populariteto na reslas dži pe specifikane rote kotar e riga hemima pe socijalno phučipena.