Kado esejo sî le prologosko kotor kata la egzibicijako katalogo «Auschwitz ist mein Mantel: Bilder und Texte». Kako teksto sî desja ekcepcionalno, kê reflektiril o trajo maškar le duj ljumakê marimata. E Ceija phirelas peska familjasa e antrego Austrija, kaj arakhêlas bućakê droma thaj kaj sas la šansa te phandel socialni kontaktur. Kaća priča opisil le Lovarengê tradicije thaj praktike ande la Ceijaka familija: o anzarimos kata ‘k cerha, o kiravimos, marhimakê thaj užarimaskê trjabe, naturalni draba, o khamnipe, o bijandimos thaj le śavořêngi griža, vaj vi e pozicija karing e natura thaj e relacija karing le Austrijancur thaj karing aver etnijakê grupe.

O teksto anel pe, sar te ramosardasas les e Ceija peskê vastesa, numa e Ceija mothodja o teksto oralno la Christakê Stippinger, kaj ramosardja les tele thaj kêrdja anda les jek autobiografijako teksto.

(Translacija: Mozes F. Heinschink)