I storija kotar e Rromane paramisa serija astardo ko 2013-to berš ano Kecskemétfilm Studio telo legaripe kotar Ferenc Mikulás thaj Mária Horváth, save skhamenas te ulaven e manušencar e Rromane folk tradicijen thaj te kombinirinen e konteplativno Rromane kulturakere moljaripencar. I storija kotar e animinirimi serija isi ola trin epizode; I Gypsy Rromani Džuvli thaj o Devel (2014), Kalo (2015), thaj Doja, the Gypsy Rromani Sunto Čhaj (2015).

Cilosar te keren pes trin animirime skurto filmura, o režisero kerdas kooperacija e Rromane artistoncar; Magda Szécsi Romani, hramonela thaj ilustririnela, Teréz Orsós, Rromano pikturari, József Oláh, muzikanto tjaj Erika Varga, modako dizajnero. Kodi inovacija dijas šajipe e artistonge te reprezentirinen i Rromani mitologija thaj oralno kulturako barvalipe, vi te ilustririnen e tradicija kontemplativnone artosar trujal pengere zuralipasar te phenen storije, paramisa, te keren piktura, te fuzirinen pikture, thaj te keren tradicionalno muzika.

Ani trinto epizoda, I Doja, i šuži Rromani Sunto Čhaj, voj teljarela i Devleskiri kustik tele maškar olaki komuniteta te ažutil olen. Ujraindoj pe lakere lačhe lunge bala, e von džana pe jekh than kote so von šaj te vazden pengo Rromano than pe slobodija, šukaripe thaj slobodno trajo. Numa, jekh dives, jekh bilačho džungalo monstrumo vakerdo sar szülláks, kerel atako upral o gav.

E animirime serije ki kombinacija e moderno tehnikencar – o režiseri lela 2D thaj 3D animacije – thaj e konteplativno Rromane arte kombinirinena e foklorno paramisencar. Teréz Orsós, piktorari thaj grafikano dizajnero, kerdas o vizuelno background pe kodi animacija. Voj lela an kodi buči lošale kolorija te sikavel e tradicije thaj o sakodivesesko trajo/dživdipe/ e Rromengo. I muzika so džala ko backround thaj muzikano temato si tradicionalno Rromano mzikano stilo, komponirimi thaj bašaldi kotar o József Oláh, o frontman ko bendi Parno Graszt. Pe sotrin paramisa kotar e Magda Szécsi, šaj te arakhas bilošalo motivo kana e manuša kotar e komuniteta našti te uklen pe Doja-kere magikane lunge bala, so dela godži kaj trujal e luma, thaj majpalunes arakhena jekh jekhe.

E Rromane Paramisengi serija lijas nekobor Prizura/Phursaka pe internacionalno thaj nacionalno nivelo: Doja, Rromana Sunto Čhaj epizoda lijas Prizo/Phursak kotar e 12-to Kecskemét Animation Film Festival (2015), o specijalno prizo Hungarian Lutheran Church Lutheran Diakonia. In Stana, Transylvania (2016) kote so lijas o avguno prizo/phursak/ pe III. International Ethnographic Film Festival.