Po fokuso la pričako sî o puśimos, sar sî o proceso kata phirimasko pe relacija pe bêšîmasko modo. Kodo proceso sîkavel o novelo pa Petre thaj leski řomnji Maida, kaj ande leste arakhadon pe vuni thana vi paramičakê cîrte. Kodja sîkavel e parcialno trajoskê modoski adapcija karing la argentinjako društvo. O novelo opisil sar formiril-pe jek »nueva gitanidad latinoamericana«, jekh nevo latino-amerikanijako řomanimos ando etno-kulturalno maškarimos.

O Petre kamel te kinel peskê jek khêlimasko riś. Lesa kamel vov te phirel, te bi ankêrelas maj dur le Řomengo »tradicionalno phirimasko trajosko modo«. Po agor le novelosko lja lo peskê eke riśes. Numa vov atunčara anel pala peste e decizija pala ‘k bêšîmasko trajo thaj mêkel le riśes peskê śaveskê. Ande kado proceso zumaven le protagonistur maj butivar te kêren dialogur le gaźenca, de le Řom aven ande kaća prića permanentno isključime, pe isto vrjama haćaren von, kaj sî le diferentni le gaźendar.

E priča opisil maj dur, sar pařuglon le zurale ritualur thaj zakonur la řomaja kulturakê. O payo (gaźo) kaj ginavel o teksto, lel te haćarel elementur kataj Řomengi kultura thaj kata le Řomengo trajo, haj kodolasa anel o teksto jek haćarimos maškar le duj kulture. Kodja sî vi o ciljo le novelosko, kaj ramol po agor: »Había que cambiar la mala fama que perseguía a los romaníes« (‚O bilaśo gîndo kaj sas le gaźen pa l’ Řom, sas te pařuglol.‘)

(Translacija M.F. Heinschink)

Xaing kataj tekstoski proba

Nedich, Jorge Emilio. 2005. El aliento negro de los Romaníes. Buenos Aires: Planeta, R. 11-19.