I ideja avilas kotar jekh mangipe, savo so vaš e 50 berša kotar kodo kana khuvde pes e revolucionerno funde vaš e 1970-beršengi kompanija Teatro Lebrijano, i Juan Bernabé Kulturaki Asocijacija kotar e flamencosko foro Lebrija konkretiringe e arteskere historikosar, teatroskere direktoresar, scenografosar, producentosar thaj hramondesar Miguel Ángel Vargas-ar thaj e bare flamenco giljavutnesar/cantaor e José Valenciasar. Savore khetanes astarde te dikhen pengo suno: te ikeren e storije thaj e sensija save si pe amaro trujalipe khedime ande e konteplativno rromani poezija.

Phrandipe ano Auschwitz, bući kotar o filozofo, žurnalisto thaj poeto nominirime vaš Nobelosko Prizo vaš Literatura, o Rajko Djuric, avgune dromeske te ovel sikavdino/reprezentirimo ki scena, temato vaš jekh phagerdini storija kolate e memorije, e sune, o dilipe, i loš thaj o meripe agorena ando dromaripe trujal o dživdipe thaj meripe jekhe hramondesko, dukhasar limitirimo ando džungalo kampo ano Auswitch. O alav “rom” naj te ovel vakerdino, numa sar te si, o manuš so dikhela kodo projekto, sasti vrama i Rromani prezencija trujal paradoksalno crdipe pe rig, sikavela vi ande meripe vi ande dživdipe, vi pe sasto bibahtalipe ka sikavel e identitetosko vazdipe. Sar te si, e poeme kotar Bajram Haliti, Nadia Hava Robbins, Jose Heredia Maya, Helios Fernández vaj Isaac Motos baripasar/dignitetosar ujrana upral e scena, čhutine sar bara profilirime karfinencar save so phutrena pes upral i mesaja prahosar thaj jekhe phurane mašinasar vaš hramovipe, džaindoj khetane tragedijasar kotar o Romipen, bizi te trubuj te vakeren pes, sostar kodo si vaš o identiteto save so e Nacistura khosline trujal amare phure manuša. O José Valencia maestralno deskriptirinela e note trujal e flamenco stilura, malagueñas, seguiriyas, bulerías thaj soleás, khelindoj e kanunencar thaj e limitencar kotar e Andalusiako Cante Gitano savo so vi giljavela pe romani čhib pala i muzika kotar o Juan Requena (gitara), Daniel Suárez (perkusije) thaj Bat`or Hangonyi (čelo).