Kata l’ 13 xarne priče thaj narativur ande knjiga »glücksmacher – e baxt romani« sî šov tekstur thaj vi o prologo „glücksmacher“ kata o Samuel Mago thaj sja kadići kata lesko phral o Karoly. Pe vuni priče sas len kak tang kooperacija. Kako interkulturalno thaj transkulturalno literaturako projekto, pe maj bute śibende, teljardja kata jeg intensivno diskusijako proceso le do avtorongo, kaj dine jekh-avres inspiracija thaj motivacija pa ramomasko modo.

E priča »der freibrief« katar o Sami opisil e vjrama kata dujto ljumako marimos ando Ungro. E řomaji familija Berki – o dad sî muzičari – našêl anda l’ bombe kaj peren sja maj but po foro Budapest. E familja našêl ka l’ njamur ande ‘k ungroski provincija, le paćamasa, te o marimos kam gêtol sîgo. O trajo la familijako Berki sî egzemplarno pala but biginde familije, kaj sas te našên pengê bućanca pe ‘k biprinźado trajosko drom. O Sandor arakhêl bući sar muzičari ande gavesko birto, źi kaj či marširin ande le Hitlerokê manuša vi ande kako gav.

O Sami sîkavel v’ e civilno kuraža le manušêngi ande peski priča. O protagonisto kata kaća civilno kuraža sî o birtaš. Vo-i reprezentativno pala sja le manuš, kaj či xasarde pesko manušipe ande ‘k źungali vrjama.

(Translacija: Mozes F. Heinschink)