Intervjuo 01

E Luminiţa Cioabă vorbil pa pesko trajo sar řomaji śej thaj pa kodja, sar voj kêrdjili avtorkinja. Voj serel peski angluji frustracija thaj demotivacija, te źal ande škola źi kaj či dja voj pe literaturaki ljuma thaj lako sîćaritori ašardja lako baro talento. Pe aver rig sas la problemur peska familjasa, savi aźukerdja latar ankêrel sja le norme kata pesko řomano društvo. Voj vorbil vi pa ašunde źene kata rumunijakê literaturakê krugur, save dine dumo lakê poezijakê aktivitetur thaj lako progreso sar poetkinja angla pesko dad.

Intervjuo 02

Ande dujto intervjuoski partja (snimome avera aparatosa) del e Luminiţa angle po puśimos so-j laki mesaža le manušêngê, saven sî intereso te ramon řomaji literatura thaj so-j lake vizije pala futurno vrjama:
E Papusza (Bronisława Wajs) thaj laki grandiozno lirika šoha te na bisterdjol. Sja kadja sîkavel voj la Papuszaki bući ande peskê aktivitetur. Voj nadil pe kê e řomaji literatura kam źal maj angle, thaj maj but avtorur te iskirin pe řomaji śib, kadja vi voj kêrel, thaj kodolasa te ažutil pe te na xasajvel e řomaji śib kaj sî o somnakaj le Řomengo.

O intervjuo ankêrdilo pe vrjama kata o maškar-themutno festivalo la Řomaja poezijako, savo
organuisardja e Luminiţa Cioabă peska organizacijasa »Fundația Social-Culturală a Romilor ›Ion Cioabă‹« kata 11.–14. oktoberi 2017 ando Sibiu.

(Translacija: Mozes F. Heinschink)