I Nacionalno Galerija ande Prague ikerela i piktura kotar jekh Upper Rhine-ako mastero sikavindoj shtar figure thaj e piktura: “Zigeuner – Heiden – Turken”, anglikanes “Gypsies – Pagans – Turks”.
Ko 15-to shelbershipe e Roma aresena ande Centralno thaj Stungorigaki Europa trujal e Balkanura thaj Grecija.Angleder kodo, pala kada kana iklile pengere themstar – Indijatar, von migririnde ko regionura kotar e Pashutno Stungo thaj Mashkaruni Azija, vi ande Turkija. Von sasa akharde sar Zigeuner, Zingar, Tsigan. Varekana kadala nevekerdine Europejcura shokirinenas e loklano manushen olengere “ofenzivno uravimata”. E kontemplativno hronike sikavena olengere uravimata, save so korespondirinena e uravimasar save isi e dzuvlja ani piktura. Numa, si e javera figure savour Turkura? Kon si e javera? Sostar o autoro akharel olen “Gypsies – Paganura – Turkura”? E kulturalno-historikano palpalipe e pikturako zhutisarel te hacharas e pikturaki scena. Shaj vi te arakhas konekcije e javera kontemplativno ilustracijencar, majbut e prendzarde dromaribaskere lilesar “Peregrination in Terram Sanctam” kotar o Bernhard von Breydenbach kotar 1486. Komparirindoj javere deskripcijencar pe Romane manusha kotar o 15-to shelbershipe, amen shaj te das solucija.