I prezentacija diskutuinela egzamplon katar e Hungarijaki thaj Stungorigeski Europutni literature tha e artistongere recepcijen kotar o 137. O psalmi sikavela e Biboldengi dukh ande Babiloneskoro thagaripe, save kotar bari dukh achavena pengere harfe upral e kashta. I gili bash i dukh savi gilavdas pes pala o egzilo thaj kherengo hasaribe, sasa re-interpretirimi thaj re-kontekstualizirimi. Dukhavdevileski deskripcija kotar pheravde khera thaj e Biboldengo egzilo, ando psalmi kotar e János Thordai kotar 17-to shelbershipe, sasa inspiririmi kotar e Hungarijaki destrukcija teli e Otomansko imperija. O motive, instrumentura ulavde ko kasht, angleder phangli e societasar thaj nacijasar, sasa barvalederdi neve, individualnone gindipasar ko 18-to thaj 19-to shelbershipe. Ko Mihály Csokonai Vitéz-eskere thaj András Farkas-eskere poeme e poeteskiri figura na vakerela, mangindoj te sikavel pes kaj e avrutni luma nashti te haljovel pes o poeto vaj leski andruni artistikani kriza. O motive instrumenti ulavdo ko kasht shaj te arakhel pes ande poema anavkerdi sar “The Three Gypsies” [E Trin Gypsies] hramomi kotar Austrijako poeti Nikolaus Lenau, savo so sasa bijamo ande Hungaria, thaj bazirime upral kodi poema, vi ande picture kotar e Austrijako piktori Aloys Schönn. O temato sasa lendo, na numa vash etnografikano intereso, numa vi vash o orientalizmo ko 19-to shelbershipe vash nekobor Austrijakere artistura, i deskripcija e dzivdipaski thaj e tradicijaki e Ungarijakere thaj Transilvanijakere, kolenge pachalas pes kaj aven kotar Stungoriga. Ko dujto kotaor shelbershipastar o August Pettenkofen, savo ple amalencar, e piktorencar butivar dzalas ando Szolnok, irande pes ko “egzotikano” dzivdipe e Hungarijakere gavutnengo, ko grastengo arakhibe thaj pe nomadikane “Gypsies.” Numa, o temato vash e “Trin Gypsies,” musajas te ovel buteder interesantno, sostar kate isi varesave ambivalencija mashkar e anegdotikane, zhanreskere scene thaj Biblikane-filozofikane tematura.