Ano 17-to shelbershipe e Italija thaj o Uprune kotore sasa intenzivno kulturako transfero. Specijalno e Flamancongere thaj Holandakere artistura achovenas ande Rimo vash lungeder vrama olengere karijeratar thaj jekh importantno dijaspora olendar sasa e Bamboccianti. I rota trujal o Pieter van Lear thaj leskere amala kerde jekh neve tematura thaj stilo lache suksesosar ande Roman artikano market. Olengoro arti thaj dzivdipasko stilo pharuvdas pes kotar akademikane artistura e Roman Barokestar, so markirindas olen sar avgovramakereo Bohemijancura thaj manusha so vazdena pesko glaso/krlo. Kodo, thaj olengo regularno dikhibe upral e Roma chutijas ole ki impresivno Bohème egzibicija ande Grand Palais ano Parizo. Sar te si, i linija mashkar e Roma thaj artikane Bohemianura si vash e debata. O fokuso upral e Bamboccianti sikavela i kompleksno relacija mashkar e Roma ano arti thaj e (angleder)-Bohemijakere artistura. O afiniteto e artistongo vash e Roma trubuj te analizirinel pes bare samasar.