Ka o Štarto Ljumako Řomano Kongreso ando Serock (pašaj Varšava) ankêrdile vuni kidimata paj řomani kultura taj paj řomani śib (taj pa l’ šanse la standardizacijakê). Maškar le kidimaskê participantur sas vi vuni ašunde avtorur thaj intelektualcur, sar po eksemplo o Ian Hancock, o Šaban Ilija, o Šaip Jusuf, o Leksa Manuš thaj e Luminiţa Mihai Cioabă.

Jek kidimos ankêrdilo paj maškar-themutni řomani literatura, kaj vuni avtorur prezentirinas pengi poezija. Sja le kontribucije ankêrdile pe řomaji śib. Vi o avtoro Rajko Djurić vorbisardja ande peskê introdukcijako divano pa kodja tematika: Vov teljardja le maj anglune avtoronca kata o dešinjato šêlutno bêrš thaj sîkadja palal le kontemporarni avtorur la řomaja literaturakê kata diferentni evropakê thema. Vov pomenisardja but avtorur thaj reprezentantur la řomaja poezijakê thaj dja vi anglal pe l’ spontani publikakê puśimata. Po gor objavisardja vov e prvo oralno poezijaki prezentacija.

(Translacija: Mozes F. Heinschink)