Tel o ´70 the ´80 berša e Elena Lackovo chudľas te vakerel pal peskero dživipen la Milena Hübschmannovake. E Hübschmannovo has lakeri amalkiňa the nekbareder gadžikaňi ekspertka pre romaňi čhib the kultura. E Hübschmannovo zachudľas o vakeriben pro magnetofonos, prethoďas les andal e romaňi čhib andre čechiko čhib, kerďas editorsko buťi u kisitinďas o vakeriben kijo avridiňipen. Andre tekstovo sikhaviben hin duj kapitoli „O jilo man cirdelas andro romane osadi“ the „Ochmančaka“.

E genďi geľas avri mek ča andro berš 1997 sar o (auto)biograficko vakeriben priirimen la Lackovake sar autoriske. Kole časostar has duvar avridiňi čechika the vajkecivar andro maškarthemutne prethovibena, maškar avre anglicka, savo has avridino andro berš 2000.