Aaron Yeger si Kanadijako rеzhisero kotar o Toronto. Vov lijas peski dimploma pala pikturengo Arto pe Ryerson Univerziteto, leske buchaja resljardas nekobor prizura/phursaka/, genindoj vi o priso filmo Norman Jewison, o Harvey Hart Priso vash i rezhija thaj lijas duj stipendije pala e Univerzalno studije.

Ko 2011, o Yeger kerdas o filmo »A People Uncounted: Bivakerdi Romengeri storija« (Produkcija kotar o Urbinder Filmora). O filmo si ko anav e sa viktimenge/zhertvenge/kotar o Porrajmos, thaj si panglo e Romane manushengere historijaja »olengere avdivesutne maribaja vash e civilno chachimata ki Evropa.« O projeko majangle sine inspiririmo kotar o Lenny Binder thaj o Tom Rasky, o so duj dzene sine producentora ko filmo, olencar sine thaj o Ungrikano-Kandasko jazz muzikanto o Roby Botos.

»A People Uncounted« si rekordirimo ko deshujekh javera thema. Sine khedime intervjuora thaj khedipena e Romencar thaj na –Romencar dzenencar so achile dzivde kotar o Holokausto, muzikantora vi politichko aktivistura, sa ciljosar te sikaven o holistihno astaribe olengere dzivdipastar.

Ko jekh kotar e intervjuora o, Yeger phendas kado, »e manusha so achile dzivde kotar o Holokaust sine absolutno koperativno thaj mishto resljarde amen. Jo chaches, buteder olendar mothovde amenge angleder olengere storija angleder e chave ki shkola thaj anglal olengere komunitetake dzene, kodolesar o chachipen te ovel buvleder hachardo angleder bari publika si vareso pe soste trubuj te lel pes sar bari sama vi pakiv.«

»A People Uncounted« sine sikavdo pe Internacionalno Hawaii Filmsko Festivalo, Starz Denver Filmsko Festivalo thaj o St. Louis Internacionalno Filmsko Festivalo. O filmo lijas phursak sar Majlacho kerdo Dokumentarco ko Foyle Filmsko Festivalo pe 2011 bersh. Ko 2013 bersh, i Amerikaki Produkcijaki Asocijacija dijas e Filmeske nominacija sar majlacho produkcisko Bershesko Filmo.

Dzi kote o filmo »A People Uncounted« avela e Yeger-sko majsuksesivno dokumentarco, olesko aver filmo »Sleeping Giant,« savo so sine rezhirimo kotar o Andrew Cividino, kerdas oles but pindzardo sar harmomo thaj producento. O filmo premierno sine chuvdo ki agenda thaj sikavdo khetane e Kriticharengo Kurkeske Programeja ko 2015 bersh pe Cannes Filmsko Festivalo, sikavda pes vi pe TIFF Canada’s Top Ten Filmsko Festivalo thaj sine nominirimo vash e 2016 Kanadako Screen Award/Prizo/ vash e Majlacho Filmo.

Referencija

http://www.aaronyeger.com/bio.html

http://www.apeopleuncounted.com/

https://www.youtube.com/watch?v=VsUle1qrXcE&spfreload=10

https://en.wikipedia.org/wiki/Robi_Botos

http://www.moviemaker.com/archives/interviews/aaron-yeger-
discovers-a-people-uncounted/

http://www.hiff.org/

http://www.denverfilm.org/

https://filmfreeway.com/festival/StLouisInternationalFilmFestival

http://www.foylefilmfestival.org/

http://www.producersguild.org/

https://www.youtube.com/watch?v=Z4SZXkKX7zo

https://en.wikipedia.org/wiki/Canadian_Screen_Award_for_Best_First_Feature

http://www.tiff.net/canadas-top-ten/

https://en.wikipedia.org/wiki/2015_Cannes_Film_Festival

Filmografija (director)

Chasing the King (Documentary) (just completed)

2016 - Inc’d (Short)

2011 - A People Uncounted (Documentary)

2006 - Shadow Life (Short)

Awards

2011 - Best Documentary (for A People Uncounted), Foyle Film Festival 2011

  • Norman Jewison Filmmaker Award

  • Harvey Hart Directing Award