Anđelija Tanasijević si bijandini po 24 to Austo ando foro Akron, Ohio/USA. Voj kerda bući ando Serbiako komuniteto kana sasa terni,sar Ronji savi lias than gothe. E Anđelija sikljosarda khelipe thaj gilabipe sar vi koreografia pala Morava khelimaski grupa ando Cleveland, Ohio, katar piro dešu pandžto berš. Pala kava voj đeli andar e Amerika po berš 2010-to. Ande piro ternipe sar vi akana mardape pala minoritetura thaj civile čačipa ande but projektura thaj organizacie.Sasa pindžardi sar “Rromani Andži”ande foroski liga bare regiaki Klivelndoski sar vi maškar “Amerikane” amala.

Agorisarda studie ande BA thaj Sociale sikljovipa ande Cleveland regia, AAS pala Sastimasko Informaciako Menadžmento thaj AAS ande bućarimasko menadžmento ande Cuyahoga Komunitetosko Koledžo. Maj palal Menadžento ande kozmetika po Brown Aveda Instituto.

Po 2010-to berš voj hutili katar jekh kontinento po aver thaj avili ande Serbia “te dikhel e nevljaripa save trubun te dikhenpe ande sasti lumja” sar vi te kerel bući maj dur pala manušikane čačipa. Ande relacia pala bući voj maj but kerel bući ande dživdimaski rehabilitacia thaj sar advokato pala marginalizuime grupe. Voj prajarel piro ilo thaj vogi ande kreative projektura thaj akana si asistento pala kuratori o rajo Dragan Ristić ande teatroski sekcia RomArchive,organizuil khelimaske turnira ande fundone škole kade kaj sikavel khelipe “Maripe pe Drina” thaj “vljaripe Solunoske frontosko”. Kava khelipe si kerdino katar lako timo, te sikavel čhavren ande škola pala historia po jekh nevo drom. Voj kerel bući vi sar finansiako administratori pala Romano kulturako Centro ande projekto “Festivalo pala Rromani kultura thaj aktivizmo”. Andjelia si korko dej trine čhavrrengo so si laki maj bari inspiracia te džal maj dur ande piri bući.