O Andrej Blada bijandilo 1939 ande Nacina Ves (becirko Michalovce) ande istočno Slovakija. Inkê kana sas lo śavořo gêlo-tar vov peska familjasa ande severno Bohemija. 2006 mêklja vov kaća ljuma ande Trmice (becirko Ústí nad Labem).

O Andrej Blada dja duma o istočno slovakicko řomano dialekto. Ando majo 1976 mothodja vov la Milenakê Hübschmannová jek fêrmêkoski, savi sićilosas peskê dadestar.

Pe kodja sama vorbisardja o Andrej Blada vi pa peski jerto dej, savi sas jeg ašundi paramičarka. Pe kurkengo agor avenas le Řom de krujal, te thon kan lakê paramiča. Lakê paramiča našti bistrelas. Jeg paramiči kata leski dej sas po egzemplo »Tündérszép Ilona« (›E sukar vila Ilona‹): »… že oj te la xudelas te vakeren, ta vakerlas tosarastar dži jepašrat ratji«.

(Translacija: Mozes F. Heinschink)