E Dr. Angéla Kóczé si ekh asistenta profesora pe Romane Sikavipenata thaj Akademikani Direktora vaś e Romani Laćharavipenaski Programa vaś Romane Resavdine ando o Centralno Europutno Universiteto, Budapesta. Maj anglal voj sas Akhardini Asistenta Profesora ande e Khukhin (Departamento) vaś e Programa pe Sociologija thaj Źuvlikane, Źeneske (Dźendroske), thaj Seksualne Sikavipenata ando o Universiteto o Ueik Forest (Wake Forest University), Uinston-Salem (Winston-Salem) Upruni Karolina, Amerikake Kidinde Śtatura (N.C. / USA).

Woi si i principalno roditora kathar ekh rodimasko projekto (2013-2016) pe institutionalizacija kathar Romane politichi maj palal kathar 1989 (o perimos kathar o komunizmo) ando Ungaro, fundime kathar le Ungarickone Socialnone Rodimasko Fondo. Lako rodimos kerel fokus po maladjimos/intersekcija mashkar djendra, etnija thaj socialno klasa thaj-vi o socialno thaj legalno inegalitetura le Romenge ande diferentni Europicka thema.

E Dr. Kóczé publisardjas vuni akademikicka artikula lewudime kathar peske profesjonalni wortacha, kenvake kapitria ande bute internacionalni shtampariji kaj inkluzhin Palgrave MacMillan, Ashgate thaj Kentralnone Ivropanickonja Universiteticko shtamparija, thaj-vi publisardjas vuni thematiknone policijake papiria kaj azban socialno inkluzhija, dzhendrako igaliteto, socialno chachimos thaj civilno socijeteto.

Akana, woi skrijil kenva kaj azbal le Romane zhuvljangi politikalno representacija thaj socialni marimata ande Europate.
Ando 2013, o Woodro Wilson International Center for Scholars in Washington, DC (o Woodrow-Wilsonesko Internacionalno Kentro vash le Sikjarde ando Vashington, o Kapitalo la Amerikako). Djas pachiv la Dr. Kóczake kana djas lake le Ion-Ratiueska Dimokracijaki Negrada vash peska inter-disiplinaritckonja rodimaski buchi kaj chuvel kethane komuniteticko obligacija thaj policijako kerimos kethanipasa profundo personalno rodimos pe situacija le Romengi.

Avrjal kathar peski akademikicko karijera, Dr. Kóczé kerdjas buchi sar senjor policijake advisora vash le Ungaricko goberno, sas direktora kathar le manushenge chachimatango programo kaj le Europickone Romane Chachimatango Kentro thaj-vi sas i fundimaski direktora kathar o Romaversitasesko programo ande Budapeshti kaj shinavel ivja sikjardimata thaj wuchitelipe vash bi-barvale shtudentura.

E Dr. Kóczé ljas peski Bachelaureato kathar o Teacher-Training College in Budapest (Wuchitelenga Sikjarimaski Kolegija ande Budapeshti), Pesko Majstoripe ande Sociologija kathar Eotvosesko Universiteto ande Budapeshti thaj pesko Majstoripe ande Manushenge Chachimata thaj pesko Doktoripe ande Sociologija thaj Socialno Antropologija kathar le Kentralnone Europicko Universiteto ande Budapeshti.