E Anita Awosusi bijandili 1956. Lako dad thaj laki dej preživisarde o holokausto. E Anita sî avtorka, muzičarka, thaj aktivista kaj marel pe, te aven le Sinti thaj Řom priznajime, sar viktimur pe Hitleroski vrjama.

Sar presidijumosko membro kata dokumentacijako thaj kulturako centro le njamcickone Sintongo thaj Řomengo ando Heidelberg ankêrdja voj o projekto »Dialog«. Pala kodo projekto organizuisardja voj egzibicije, kêrdja bući ka l’ radiovoskê programur thaj ka l’ filmur thaj publicirisardja revolucijonarni knjige kaj ankalade neve fakte pa l’ Sintongê thaj Řomengê deportacije thaj pa lengi viktimizacija ande l’ Hitleroskê KZ-ura.

Sar muzičarka formirisardja voj »Rom Som – Ich bin ein Mensch«, jek kolekcija peskê giljendar thaj peskê poemondar muzikaka pratnjasa, save prezentirisardja voj pe antrego Evropa. Vi lako řom o Hope Awosusi sî profesionalno muzičari thaj laki śej e Tayo Awosusi sî profesionalni djilabatorka.

La Anitako maj paluji knjiga »Vater unser« (›Amaro dad‹, 2016) sî jek avtobiografija kaj dokumentiril o trajo laka familjako ando holohausto, specifično le memorije lakê dadeskê ande l’ logorja. Paša kodja analiziril voj, saji rola khêlelas thaj khêlel e viktimizacija kata lako dad thaj kata laki dej ande lake trajo.

(Translacija: Mozes F. Heinschink)

Bibliografija

Awosusi, Anita. 2016. Vater unser. Eine Sintifamilie erzählt. Heidelberg: Verlag Regionalkultur.

Awosusi, Anita (Hg.). 2000. Zigeunerbilder in der Kinder- und Jugendliteratur. Heidelberg: Verlag Das Wunderhorn.

Awosusi, Anita (Hg.). 1998. Stichwort: Zigeuner. Zur Stigmatisierung von Sinti und Roma in Lexika und Enzyklopädien. Heidelberg: Verlag Das Wunderhorn.

Awosusi, Anita (Hg.). 1997. Die Musik der Sinti und Roma, Band 2: Der Sinti-Jazz. Heidelberg: Dokumentations- und Kulturzentrum Deutscher Sinti und Rom.

Awosusi, Anita und Krausnick, Michail. 1994. Abfahrt: Karlsruhe. Die Deportation der Pfälzer und Karlsruher Sinti. Dokumente und mündliche Erinnerung. »Bulletin trimestriel de la Fondation Auschwitz«, Jahrgang 1994, Nr. 44/45, 97–111.