O David Weiss (Vajs) (bijando ando o 28-to augusto 1985-to berś, Fulda, Njamco) si ekh farbamakhavno thaj printokeravno kon beśel thaj kerel buki ando Vitzenhausen, Njamco. Vov la bakalaureato ando Lungotrajni Agrokulturno Sikavin ando o Kasel universiteto ando o 2014-to berś, thaj sikilo Vizualno Komunikacija thaj Grafike ande e eksavi institucija. Vov sas dindo ekh śkolako prizo katar o Njamcono Instituto aśal Tropikani thaj Subtropikani Agrokultura aśal o vizualipe vaś lungotrajne ćarale thana thaj veśalipe ande Mongolija, leski disertacija sas ekh maśkardisciplinarno buki savi roda e śajpenata vaś sar e vizualno komunikacija śaj dumodel (źutisarel) te phendon pe sikavinale arakhavipenata e bisikavdenge. Vov kotorkerel ande artoskesikavipenata (ekzibicije) peske printonenca regionalno ando Xesen dekatar o 2006-to berś thaj maj but buxleste dekatar o 2010-to berś. Leski praktika tholandre farbamkahipe, kaśgraviripe, ekranosko printiripe thaj graviripe.
Leske realistikane farbemakhipenata si bazirime pe peske leske fotura, save zumaven te astaren e atmosfera vaś e sakodivesutne momentura, thaj o paradokso savo si fundakodino ande e duj e akanutne seripenata vaś o ćućipe thaj o bisiguripe, ama i vaś ekh kuraźodindo pindźaripe. Leske abstraktne farbemakhipenata roden o liberipe savo si les sar manuś thaj sar artisto, save den sama ka thaj obzervirin leske inspiracije thaj e forme kaj sikavdon pe ando o makhipenasko kotor. Ćaropherde thana aj bithaneste arakhade obektura katar lesko ekhe ćhonesko lungo dromphiripe ande Mongolija aj Madagaskar, aj ande lesko bijanipenasko gav ando e Hesenako Vogelsber si andrethodine ande leski buki. O Vajs si lokalno thodino thaj kosmopolitano, vov lel than ando o akatutno thaj o akanutno, thaj lesko arto sikavel precizno źanipe vaś e istorija.
Ande peski grafikani buki, vov źivkerel katar sakodivesutne situacije ekh saterikano paralelno universo (sa e dunjava), kaj trubusarel naivne motivura katar komiksura: ande ekh birealno numero plavecocirdipenata thaj litografije, ame maladovas e gugale figurenca save inklen katar e nakhlini vrjama aj o bigodiźanglo; primerno, e fantomura katar o Madagaskar. Ande e Vajse-esko arto, agora si o fokuso leske bukjako, źikana o periferialno – sa si thodino interkulturalizmo – lel vaśnipe (importanipe).
O Weiss phenel, »ande muri artistikani buki, me zumavav te procesiriv ande ekh statistikaneste verver ćhan so si mange vastno ande muro źivdipe aj so me nakhlem. Kadala śaj aven abstraktne bukja save inklen katar muro telalgodiźanipem, naivne komiksone stiloske grafike save phenen istorie aj reprezentuin bukja.«
www.david-weiss.com
Ekzibicije
2014
Stopping Places IV – Kai Dikhas Gallery, Berlin
Kunstspaziergang – Kulturverein Landenhausen, Landenhausen
Schloss Eisenbach, Eisenbach
Double feature with Phillip Bölter and Davis Weiss – Marleen’s, Fulda
Galerie Petschelt and Rasch, Kassel
BOOK ILLUSTRATION
Steffen Wunder: ‘Through Dream and Time: The Story of Sophie and Mr. Zickel’. Autumnus Verlag Berlin, 2014
Source: artist; AKATHE TE BESHEN catalogue, Galerie Kai Dikhas, 2014; http://kaidikhas.com/de/artist/david_weiss/biography