O Dragan Ristić sas bijando ando o 1972-to berś ando Valjevo/Serbija.

Vov resavda katar o Fakulteto pe Dramatikano Śukh-keripe (Arto), Belgradesko universiteto, Khukhin (Departamento) po Menedźmento thaj Teatrosko Keripe, Radio thaj Kultrura. Vov la ekh Masteroski diploma pe “Teorija vaś Drama, Śukh-keripe thaj Medija” katar o ekhsavo (ekhutno) universiteto ando o 1999-to berś. Vov si o fundamento-thavno vaś e banda KAL – pindźardi vaś pesko muzikalno stilo Rock ‘n’ Roma – ande savi vov sikavdol pes sar śerutno gilabavno (vokalisto) thaj gitaristo. Ekhe thaneste e bute berśenca vaś muzikako angaźiripe thaj kotoravipe (participacija) ande butginde muzikalne festivalja ando o them thaj avrjal o them, vov sas angaźirime ando filmo thaj teatro sar producento, aktoro thaj kompozitoro. O angaźiripe thol andre o filmo “Kali maćka, parni maćka” katar o Emir Kusturica (ćhib boldipe thaj muzika), romano teatro Raidna katar o Belgrad, romano teatro Vareso Aver katar e Budapesta – e khelipenata (piese) “Jacques, aj Kandipe” katar o Eugene Ionesco thaj “Ratvalo Abjav” katar o Federico Garcia Lorca.

O Dragan Ristić si o direktoro po o Romano Kulturno Centro ando Belgrad dekatar o 1998-to berś.

Vov kerda buki sar źurnalisto, redaktoro thaj ćhib boldavno vaś e Romani ćhibaki programa ando Radio Belgrad.

O Dragan Ristić si o ramosaravno (autoro) vaś e publikacije “Romani Media in Yugoslavia: Development and Opportunities” (Romani Medija ande e Jugoslavija: Barjardipe thaj Śajpenata, 1997-to berś) thaj “History of the Theatre Romen” (Istorija vaś o Teatro Romen, 1999-to berś).

Maj anglal kadava, vov kerda buki i sar romane ćhibako koordinatoro pe praktika vaś o Europako Centro pe Romane xakaja (ćaćipenata).

Vov vakjarel sar trubul (nativno) serbikanes thaj romanes, anglikanes thaj basikano ungrikanes.