E Edit Németh aćhili kotor katar o Rajkó orkestro ando o 1983-to berś. E Németh-aki mami sas ekh muzikanta ando e Khamtelune (Western) rigako foro o Veszprém ando o Ungriko Them thaj o turjalno rajono, ama lake bijanutne ni sas muzikantura – len sas len ekh bikinavin (dukjano) ande Budapesta. Gathe, voj astarda pesko treningo ande ekh muzikalno śkola, thaj aćhili kotor katar o Rajkó kana voj sas deśe berśengi. Gathe, voj arakhada pes peske romesa, o József Toldi, kon i vov si violonisto ando o Rajkó. Len si len duj ćhave, ekh ćhej kon baśalel po ćelo ande e Győr Filxarmonikani Orkestra thaj ekh ćhavo kon sikilo akademikane śikavina.
Desar inklisti andar o Rajkó, e Németh lungosarda te baśalel ande peski umal vaś romani muzika. Voj thaj lako rom maj palpale baśalde ande restorantura ande e Budapesta thaj o Balaton, ama ande palune berśa von baśalde maj but ando koncerto romane orkestrura, andrethodo so sas biformalno akhardo o “bare berśengo Rajkó,” ekh postsocialistno palalavni organizacija vaś e Liga vaś o Centro e Terne Komunistone Artistengo. Aśal ledźijake (legalne) ćingara (konfliktura), gadaja grupa ni maj trubusarel o alav Rajkó, ama e kotoravne (membrura) lungosaren te keren buki ekh averesa; e Németh i voj baśalel ande aver grupe, andrethodi e 100- tagú Cigányzenekar, źangli ande anglikani ćhib sar „E Budapestaki Ciganoni Orkestra. “
Baś sar but murśukane muzikantura, aśal e Cinka Panna thaj khajekh (varekon) katar lake palalavne romane źuvlja, e muzikako bizneso si ekh familijaki buki aśal e Németh: laki ćhej, ekh ćelista, baśalda peske dejasa ando źuvlikano romano ansamblo (ekhethaneste e Erzsébet-a Katona-sa) katar o 2011-to berś źi ka o 2012-to berś thaj peske duje bijanutnenca ando o Ungrikano “Thagarno Ciganono Orkestro” khajekh berś palpale. Pe e vrjama kana e romani muzikalno industrija xasavol, te keres love ande kadaja buki si phares, ama aśal Edit Németh, o fakto kaj voj si ande late peske familijasa si kotor katar kadava so kerel la pakivali.