E Erzsébet Katona, sikavdi kate ando o 1978-to berś publikano foto vaś o Rajkó, sas ekh źuvli kon ni mukhla pes pe o tipikano drom vaś e ansambloske źuvlikane kotoravne (membrura), kon kamenas eventualno te mukhen pe katar e profesionalno muzikalno dunjava (lumja) te śaj keren buki sar deja. I voj inklisti katar ekh muzikalno familija katar pe dejaki rig, date ni ekh katar lake bijanutne ni kerda buki sar muzikanto. Sar khajekh aver katar e Rajkó muzikantura, la sas la personalno dori e orkestrasa – laki bibi, e Judit Katona, kon sikavada la te baśalel pe violina, baśalelas ando o Rajkó maj anglal latar. Voj phirda i ande muzikalno fundamentalno śkola pandźe berśenge. E Erzsébet Katona astarda te baśalel ando o Rajkó kana voj sas 11 berśenge thaj lungosarda źi kana voj sas 21 berśengi. Aśal e palune śtar berś kadale berśendar, voj sikili i ande e Bartók Konservatorija; voj phenda kaj voj sas “e ekhto [Rajkó źuvli] kon resli pes te źal late” ka e Konservatorija thaj te na lel peske rom thaj te aven la ćhave momentalno. Pesko alosaripe te sikjol avrjal o Rajkó voj da le peske dejake kon
“ćaće ni sas katar kadava tipo źuvlja kon len peske roma, voj maj but ka phenel kaj tuke si maj laćhe te sikjos but, soske tu ka les avantaźo katar kadava. Soske voj kerda buki ande kris, thaj voj dikha le gadaleske ande e kultura.”

Palal gadava e Katona inklisti andar o ansamblo, voj zumavda te śerutnil ekh restorantosko grupo, ama voj arakhada kaj khajekh katar e aśugjaripenata vaś e duj: e patroja thaj e śerutne te aven ekstremno bilaćhe:
“Me ni kerdem les soske ando o ekhto śajpe kana o miśafiri kamelas te thol e love ande muro sutieno, … muro seripe, sar e muzika, aćhavda. Thaj sar ekh źuvli, me ni źav gathe [te lav e mangipenata katar e masa thaj] dav len o ćaro, … me sikavav lenge, sar ekh romani źuvli, sar ekh manuś katar romano inklipe, kaj von ni trubul te resen telal laki pogja, me naj ka ingjarav manca ekhe aj avere ćhave khere palal te resavel e muzika, aj maj sigo si sade [e muzika]. E scena del protekcija, te śaj e publika dikhel upre thaj marel ande palme … [ando o restoranto] o baro … phenel ekh maj cikni bluza naj ka kerel doś, naj ka kerel doś te sikaves peske ćanga … ni lel peske upre kaj … śaj khajma ekh manuś ni kamel te baśalel … sasto abjav pogime ande e ućhe minija.

E Katonako fulistipe ande e buki e bare manuśenge aćhilo pe e vrjama kana astarda o post-socialistosko peripe vaś e romane muzikaki industrija, ta maj zalaga thaj maj zalaga restorantura lenas bukjate grupen. Palal o mukhipe e restoranteski buki, voj baśalda ande simfonikane orkestre, sar e duj: sar ekh violonista thaj sar ekh cimbalo baśalni, thaj sikavda violina thaj generalno muzika ande fundamentalne śkole thaj privatno, ama la ni sas la pherde vrjamaki buki. Te keras kvota:
“… sako ekh sas skeptikano, kaj me ekh cigana, [katar o] Rajkó. Sako ekh dikhla tele pe mande. Oh, ćaće, tu [phirdan] źi ando o agor [e dunjavako], savi bari buki, aver. Ama kana ekh manuś rodelas buki, voj sas gathe ando airo. Thaj atoska … me ka źav te sikavav, thaj maśkar kadava me ka źumavav [aśal] sikavneski diploma, aver, aver.”

Laki lipsa vaś permanentno pozicija sas la ćaćuno efekto kana voj la peske rom thaj bijanda peske ćheja ande peske 30 berśa: kadava ćhanilas kaj la ni sas la o ćaćipe te lel socialno dumodipe (źutipe) save e bijanutne kon keren buki śaj len. Voj thaj lako rom inkalenas love te źivden (train) kana baśalenas ande varesave grupenca thaj kana kerenas bizneso ande savo dikhenas ćhaven. Voj akana si ekh katar e xulaja (sivne) vaś ekh balengo salono ande Budapesta. Voj vaźe i baśalel, date naj gadiki but drom sar sas maj anglal. Ando o 2012-to berś, vov sas kotor katar ekh cikni romane źuvljengi orchestra savi thoda andre anglune kotoravne katar o Rajkó thaj ćheja vaś anglune kotoravnenge katar o Rajkó.