I Eva Adam is Romni kotar o Ungro thaj trail ko Berlino trin berš. Voj si socijalno bučarni vi socijalno pedagogo, i, Adam crdija te kerel buči e Romane džuvlencar kotar e 2015 berš. Akana voj kherel buči sar pedagoško direktorka pe projekto “Dikhen Amen! See us” implementirimo kotar o Amaro Drome.V.

Kotar e 2016 dži pe 2017 berš i Eva kerdas rodipe vaš o Romano Arxivo pe pikturenge agencije–pala o čhororipe, muzika thaj pe diskriminacijako na-dikhibe/ na-vizibiliteto/. Khetane e sekcijaja “pikturengi politika” voj kedijas rodipe savo so šaj te del i avgo impresija pe situacija: Te šaj te arakhel pes save pikture si vaš e Sinti thaj e Roma sar si klasificirime thaj indeksirime, i Adam thaj e olakere kolege rodije bare vi lače pendžarde relevantno agencijen pala pikture, telal e termino “rasizmo” vi “diskriminacija”.
O rezultato sine pe zurale pikturengi dominacijaja kote so sikavenapes e Kale Amerikancora, khetane e fotografijencar kotar o klano Ku Klux. O Rasizmo mamuj e Roma thaj e Sintora– kova so do-perdes sine rodimo e terminesar “Antiziganismo” – našti sine te arakhel khančik ki pikturengi baza.. O rodipe phutarela jekh lačo dureder legardo projekto kova so ko avutnipe ka ovel intenzivno.