O Georgi Svetkov bijandilo 1950. Lesko dad sas Lovari thaj leski dej avel kata l’ řusicka Řom. O Georgi barilo ande diferentni ukrajinicka forur.

Ando bêrš 1967 teljardja te angažiril pe ande l’ řomane gilabaimakse thaj khêlimaskê grupe. Pala lesko munčimos ande Moskva ando bêrš 1977 lja vov te angažiril pe ka »Teatr Romen«. 1991 mêklja vov o teatro thaj produžisardja te del koncertur sar slobodno muzičari.
Ando bêrš 1983 lja o Georgi te iskiril, numa leski prvo knjiga anklisti deš-u-šov bêrš palal. De atunčara publiciril vov poemur thaj romanur pe řomaji śib (lovaricko thaj vi pe severo-řusicko řomano dijalekto) thaj pe řusicko śib.

Vov sas artistično direktoro katar Moskvakê maškar-themutne festivalur, avtoro katar edukacijakê programur pe řomaji śib thaj kethane averenca formirisardja e platforma www.kulturom.ru (https://perma.cc/EV84-2E4M), kaj getosarel e řomaji kultura ande l’ post-sovjeticka thema. Ando bêrš 2011 promovirisardja pe filologija.

(Ilona Makhotina)

Bibliografija

Tsvetkov, Georgy. 1999. О чем пела скрипка… [O čem pela skripka…]. Moskva. [Pe řusicko śib]

Tsvetkov, Georgy. 2001. Приложение 1. Prilozhenie 1. [Appendix 1]. In: [Цыганско-русский и русско-цыганский словарь (диалект лова́ря): Link_intern lit_00068_01]. Cygansko-russkij i russko-cyganskij slovar (dialect lovarja). Moskva: Апостроф [Apostrof], 153–183. [Pe řomaji śib]

Tsvetkov, Georgy. 2003. Śukar Lana. In: Amaro Gendalos. Praha, № 7, 2003. [Pe čexicko śib taj pe řomaji śib]

Tsvetkov, Georgy. 2010. Сino Joza. In: Андрал [Andral]. София, 2010. № 56–57: 80–82. [Pe řomaji śib]

Tsvetkov, Georgy. Хасардо тхэм. Страна предков. Xasardo them. Strana predkov. [Ginavimaski knjiga pe řusicko śib taj pe řomaji śib, 137 riga, źi ka 2017 naj publicirime]