O Ilfan »Mace« Buzeski bijandilo karing 1944 ando foro Prilep/Makedonija thaj ando Prilep vi barilo. 1968 avilo lo ando Beči. Po maškar kata 1970-utne bêrš munčisajlo vov peska řomnjasa thaj peska śejořasa ando New York ando regiono Bronx. Pala l’ bêrš 2000 mêklja vov kaća ljuma.

O Ilfan mothodja peskê paramiča ande Prileposko arlisko řomano dialekto kaj si kak varijanta kata jugo-balkanoski řomaji śib. Pe vrjama kata osmanicko kraljevina vorbinas le prileposkê Řom paša e makedonijaki śib vi xoraxanes, anda kodja arakhadon ande prileposki řomaji śib elementur kata balkanicko xoraxaji śib thaj vi elementura kataj makedonijaki śib. Butivar arakhas ande kaća řomaji śibaki varijanta vuni sinonimni svatur jek paša aver anda l’diverzni kontaktongê śiba.