Jacques Léonard (Paris, 1909 - Girona, 1995) sine Francusko photografero, rezhisero thaj aktero. Oleskero dad biknela sine grasten, thaj oleskeri daj sine Frensko dizajnero, ola sine olakeri bolta maison de couture ko Parizo. Khon thaj so sine oleskero dad voj arakljas sa kodo khana dikhela sine e phurane familijake fotoggrafije khana sine ole ofto bersh.
O Léonard crdijas peski profesionalno karijera sar filmsko editoro ko Gaumont filmsko studio Parizo.Pala kodo avilas dzeno ki teatarsko grupa, Los Vieneses, savi so legardas ole ki Barselona. Ko agor katar e 1940bersh, vov resljas pe e Rosario Amaya, Romani, modelo vash e piktora ki Barselona, andas decizija te achovel ki Espanija kotar so crdijas te kherel buchi sar profesionalno photografero.
O Léonard kherdas buchi vash e javera magazinora (»La Vanguardia«, »La Gaceta Ilustrada«) sine involvirimo ko javera kompanije so publikuinena lila. Vov sine dzeno ko nuevo avant-garde ki Barselona, khetane e javere katalinsko artistoncar. Kotar e oleskeri fantastichno kolekcija kotar e upre –tele 3000 negativora (akana si ko Fotografengo Arhivo ki Barselona / Arxiu Fotogràfic de Barcelona), vov kerdas dokumentiribe vash e Roma so train ko Montjuïc plainako regiono kotar i Barselona mashkar e 1950-to vi 1970-to shelbershibe. Akaja kerdi buchi dela evidento vash oleskero profesionalno dzaniba thaj senziviteto, ilustririnela o baro barvalipe pe dokumentiribe kerdo pala e sakodivesesko Romengo dzivdipe kotar i andruni perspektiva.
»Akava si vizuelno inventaro kotar e sa e aspektora, o Léonardo lela tela i sama kodo kaj trubuj te mothovel pes i gypsy kultura mashkar e buvleder javutnipe, sar sako jekh temato,kodo si ulavdo shero ko oleskero indexsesko lil« (Jordi Calafel, kuratoro).O dokumentarno filmo vash oleskero dzivdipe, akardo »Jacques Léonard, el payo Chac«, sine rezhirimo kotar oleskero chavesko hurdo, Yago Leonard, ko 2011bersh.
Referense
https://jacquesleonard.wordpress.com/
http://lameva.barcelona.cat/barcelonablog/en/barcelonapeople-en/jacques-leonard-photographer-of-barcelona%E2%80%99s-gypsies
Ulled Jesus: Dopash payo, dopash gypsy. A CALAFELL, George thaj Ulled Jesus: Jacques Léonard. Barcelona Gypsy. Ed. Kodo ikaldas e Barselonako Foresko Konsilesko Instituto vash e Kultura, 2011
Ulled, Jesus Mitad payo, Half gypsy. Ediciones Destino, S.A., Barcelona 2012
Jacques Léonard; Jordi Calafell Callafell & Ulled Ulled Jesus. Jacques Léonard: Barcelona Gypsy, 1954-1974. La Fábrica Publishing, 2011. ISBN 978-84-92841-95-0