O Johan Dimitri Taikon (Miloš) sasa o avguno Romano aktivisto ando Švedo. Ando Švedo avilas sar tikno čhavoro ko 1906-to berš. Vov hramondas e thagareske, e gavernoske thaj khagirengere lideronge, rodindoj khera thaj škola vaš e sa Švedoskere Romenge save so pe kodi vrama, dživenas ande cahre thaj karavanura. Kodi akcija andas dži pe kodo so e Forosko konsilo ande Stockholm, dijas nesave Romane familijenge permanetno šajipe te len teli renta bare khera ande Tanto, kote so panč Romane familije gele, varesave vi karavanencar.

Vi kodo so vov našti sas te ginavel thaj te hramonel, o Taikon kerdas kooperacija e Carl Herman Tillhagen-esar (1906-2002) kotar o Nordikano Muzeumo ano Stockholm, dokumentirindas pesko džanipe vaš Romani kultura, tradicija thaj čhibja, leindoj kate vi rekordiribe 200 Romane folk paramisa. Khetane e Tillhagen-esar, vov kerdas buči vi e Olof Gjerdman-esar thaj Erik Ljungberg-esar te kerel pes i avguni gramatika thaj dikcionaro vaš Kalderash Romani čhib ando Švedo.