Vov si bijando ko Bedő pe 26-to Majo, 1939-to berš. O Choli si hramovutno, poeto, translatoro sikavno, folklorno edukatoro, sikavutno, žurnalisto, političko aktoro, si majlači figura kotar e Romane inteletualcora ko Ungro. Gelas ko klaso kote so sikljovela sine pe Romanijaki čhib, thaj ko dujto berš kerda transvero te sikljol ko aver klaso pe Ungrikani čhib.

Mukljas o Bedő khana sine tinedžero khetane pe penjasar thaj kerdas buči ki Themeski Kompanija vaš Konstrukcija/kompanija vaš vazdipe khera/. Maškar i vrama gelas te sikljol ki šhkola kote so o klasora sine račate thaj agorisarda kidijal i fundavni thaj i maškarutni šhkola.

Oleskero literaturako talento avilas pendžardo ko akala berša. Ko 1975 berš vov si membro ko Hramonengeri Nacionalno Ungrikani Žurnalistongi Asocijacija. Vov sine editori ko nekoborom žurnalija sar so si o: Romano Nyevipe, Amaro Drom thaj Rom Som. Oleskere poeme thaj publikacije iklile ko duj čhibja pe Romani thaj Ungrika. Vov hramosarda alavari pe Romani-Ungrikani čhib thaj hramosarda lil pe Lovarsko dijalekto. Vov sine o avgo khon kerdas I translacija kotar o Nevo Testamento so si kotor katar i Biblija pe Romani čhib. Kotar e 1972 berš vov kerdas buči sar na-kvalifikuimo sikavno.

Dureder lijas edukacijakeri diploma thaj avilas sertificirimo sikavno. Vov lijas diploma vi pe komunitetako organiziribe thaj sine kulturako direktoro ko bučarenge bešutne ko Csavargyár vulica. Maškar i vrama, sine ole bare legarutne pozicije sar Šerutno ko nacionalno Gypsy /Romano / Konsilo kotar 1985-86-to berš, sar Šerutno Sekretaro ki Kulturno Ungrikani Asocijacija vaš e /Roma/Gypsies kotar 1987-88-to berš. Avere vorbencar sine sekretaro pe Romengoro Koordinativno Komiteto ko deshto distrikto.

Pala e demokratikane paruvipena vov sine prezidento ko 10-to Distrikto kotar o Romano Korkorutno-Gavermento Irisarda pest e sikavel ko 1994-to berš sar phureder sikavno ko Apor Vilmos Koledžo ko Zsámbék kote so sikavela sine Romologija, chuvindoj andre vi I Romani čhib thaj historija. Vov gelas ki penzija/retired / numa vi dureder ačilas aktivno involvirimo ko kulturno vi političko Romengero dživdipe.