O Károly Mágó, o baro phral katar o Samuel Mago, biandilo 1981 ande Pešta. Ande Pešta studirisardja vo vi komunikacija, kêrelas bući ka Roma-Radio, ka »Rádió C« thaj sas moderatori le řomane magazinosko kata la publikaki televizija »Magyar Televízió« (MTV). Maj dur sas vov redaktori ka ungricko djesesko źurnalo »Népszava“ thaj kaj ungricko ujšagoski emisija »Tények« ando privatno adovo TV2, kaj kêrelas bući deš bêrš. Ando bêrš 1911 avilo lo reporteri le bêršesko. O Károly sas vi sîćaritoro ka Center for Independent Journalism ande Pešta thaj kêrelas voluntarno bući ande l’ projektur pala řomaja têrnimata. Ando bêrš 2017 pulicirisardja vov kethane peskê phralesa le Samuelosa le pričengi knjiga »glücksmacher – e baxt romani« ando edition exil, Beči (dikh le tekstosko kotor). O Károly kêrel bući ka maj ginado ungricko onlajn-vjastako-portalo. Vo trajil peska řomnjasa thaj peska śejasa ande Pešta.

(Translacija: Mozes F. Heinschink)

Bibliografija

Mago, Samuel; Mágó, Károly. 2017. glücksmacher – e baxt romani. kurzgeschichten aus der welt der roma. Wien: edition exil.