E Katarina Taikon (Katharina Maria Taikon, Katarina Taikon-Langhammer, 1932–1995) sas jek Kaldêrašica thaj e phen katar e Rosa Taikon, kaj kêrelas rupuji bući. E Katarina sas jek but ašundi aktivistka thaj jek šêrutni liderka ande švedicko řomano miškimos pala civilni čačimata. Voj sas vi glumica thaj vi avtorka, thaj specifično prinźandi sas palaj knjigengi serija »Katitzi«.

La Katarinakê šêrutne aktivitetur sas e implementacija kata l’ Řomengê čačimata ando Švedo. Peskê politickone aktivizmosa, medijakê kampanjanca, thaj peskê ramomasa vazdja voj le manušêngo haćarimos pala l’ kondicije le Řomengê, pala lengê bêšîmaskê thana, thaj pala lengê čořivane edukacijakê šanse.

Ande peski angluji knjiga »Zigenerska« voj ramol pa pesko trajo thaj kodolasa del vi jek introspekcija ando trajo le švedickone Řomengo thaj jek introspekcija pa lengi pozicija ando društvo. E Katarina źanglja kaj le gaźengê stereotipur našti te pařudjon bi le têrne manušêngo, anda kodja andja voj e decizija te ramol śavořengê knjige, save bazirin pe kodja, so voj pecisajli sar śejořî, kaj nakhadja kak vrjama ande ‘k śavořêngo domo. O rezultato kata kaća decizija sas e desja popularno thaj desja uspešno knjigengi serija »Katitzi«.

Butivar akharen la Katarina ›Le švedicko Martin Luther King‹. Ando bêrš 2015 anklisto jek dokumentarno filmo pa lako trajo.

(Ttranslacija: Mozes F. Heinschink)

Alome literatura (anglune edicije)

Taikon, Katarina. 1969. Katitzi. Tyresö: Zigenaren.

Taikon, Katarina. 1963. Zigenerska. Stockholm: Wahlström & Widstrand.

Taikon, Katarina. 1967. Zigenare är vi. Stockholm: Tiden.

Taikon, Katarina. 1969. Katitzi. Tyresö: Zigenaren.

Taikon, Katarina. 1970. Katitzi och Swing. Stockholm: Gidlund.

Taikon, Katarina. 1971. Katitzi i ormgropen. Stockholm: Gidlund.

Taikon, Katarina. 1971. Katitzi rymmer. Stockholm: Gidlund.

Taikon, Katarina. 1972. Katitzi, Rosa och Paul. Stockholm: Zigenaren.

Taikon, Katarina. 1973. Katitzi i Stockholm. Stockholm: Zigenaren/Grafisk konsult.

Taikon, Katarina. 1974. Katitzi och Lump-Nicke. Stockholm: Tai-Lang.

Taikon, Katarina. 1975. Katitzi i skolan. Stockholm: Tai-Lang.

Taikon, Katarina. 1976. Katitzi Z-1234. Nacka: Tai-Lang.

Taikon, Katarina. 1977. Katitzi barnbruden. Nacka: Tai-Lang.

Taikon, Katarina. 1978. Katitzi på flykt. Nacka: Tai-Lang.

Taikon, Katarina. 1979. Katitzi i Gamla sta’n. Nacka: Tai-Lang.

Taikon, Katarina. 1980. Uppbrott. Nacka: Tai-Lang.

Ilustririme edicije, slikenca kataj Lisbeth Holmberg-Thor

Taikon, Katarina. 1981. Katitzi, det brinner. Stockholm: Bonniers juniorförl.

Taikon, Katarina. 1981. Katitzi kommer hem. Stockholm: Bonniers juniorförl.