O Keba Kouznelas bijandilo karing 1940 ande Srbija. Opre barilo lo ande Srbija thaj vi ande Hrvatska. Leskê pêrintur avilesas katar e Řusija ande Poljska thaj kotar e Poljska maj dur ande Srbija. Le Kebasko dad bijandilo ando foro Tiflis (Georgia), thaj lesko phral bijandilo ande Poljska: »Muro papo o Burča sas Kalderaši, muři mami sas Lovarica, Veronka akhardjolas […]«. Źi ande 1970-utne bêrš ankêrelas kontaktur źi ande Athina, kaj trajinas leska dakê njamur.

Po gor trajilas le Kebaski familija ando Beogrado. Ande 1970-utne bêrš avilo lo maj butivar ando Beči kaj trajinas vuni njamur, save sas jek laśi publika pala leskê priče. O Keba mulo angla vuni decenje.
O Keba źanglja diferentni verzije la řomaja śibakê, na numa e kaldêrašicko varijanta ([Kalderaš: Link_intern Glossar/Kalderaš]), kata peski familija, nego vo źanglja te del duma vi le Sintongi śib. E anegdota (»Muro drom ži ande Debeljača«) mothol vov ande pesko idiolekto ando Beči, kaj sî pe gramatikaki thaj leksikaki sama kaldêrašicko, pe fonologijaki rig lovaricko.