Lawen Mohtadi si rezhiserka pala e dokumentarno filmora, autorka, zhurnalistka thaj publicerka. Voj kherel buchi ko bare zhurnalora, sar so si e Dagens Nyhet, Göteborgs Posten thaj Expressen. Voj sine editiribasko shefo ko Bang magazino ki mashkarutni vrama ko 2008 bersh tpa sa dzi ko 2011 bersh. I Mohtadi kerdas buchi sar socijalno thaj kulturako zhurnalisto ko Svedisko Javutno Radio-Televizijako Mediumo mashkar e 2001 thaj 2007 bersh, genindoj vi o than ko Folkradion, Front ko P3, Studio Ett thaj Kulturnytt. Ko 2005 bersh, voj kerdilas ko-fondero thaj ko-editoro ko magazino End, kolektivno artistikano projekto so sikavda pes ko duj kotora.

Voj astardas debata sar autorka ko 2012 bersh pe tema »O dive khana ka ovav slobodno«, »Den dag jag blir fri«, kote lijas priso vash e Katarina Taikon-aki biografijaja (Natura thaj Kultura). Voj si ko-direktorka vi ko-hramomni ko dokumentarco »Taikon – Untold Story of a Roma Freedom Fighter/I na vakerdi storija vaj e Romengi Slobodija resljardi maribaja« (2015). O dokumentarco, sine rezhirimo kotar o Lawen Mohtadi Gellert Tamas, o filmo si bazirimo pe lache pindzardi Mohtadieski biografija. O lil ka ovel publicirimo pa anglikani chib kotar e Sternberg Press ko 2018 bersh.

Resursi

http://www.scandinaviahouse.org/events/taikon/
http://lawenmohtadi.se/om-mig/
https://www.taikon.se/english/
PRESS KIT TAIKON

Filmografija

Taikon – the Untold Story of a Roma Freedom Fighter/I na vakerdi storija vaj e Romengi Slobodija resljardi maribaja (2015)