O Ljatif (Mefaileskoro) Demir bijandilo1961 ande jeg Arlisko familija ando Skopje/Makedonija, ande Topana (»Topaana mahalla«). Vov ankêrel o M.A. palaj literature thaj PhD palaj literatura, kultura thaj filmoskê studije. O Ljatif sî avtoro kata diverzni knjige (uključime poezija thaj paramiča pala śavořê). Vov ramosardja vi knjige thaj artiklur paj řomaji śib, paj kultura, edukacija thaj historija.

Le Ljatifoski karijera teljardja ande Makedonijakê medije, kaj sas lo žurnalisto pala řomane śibakê TV programur thaj pala řomane emisije. Pala kodja angažirisajlo te sićarel e řomaji śib vi têrne vi phure manušêngê. Maj dur sas lo vi angažirime pe ‘k řîndo kata řomane edukacijakê aktivitetur pe praktično thaj pe politikaki sama.

O Ljatif sî jek kata l’maj prominentni makedonijakê Řomengê avtorur thaj aktivistur pe regijonalno thaj pe globalno sama. Vov anel kontribucije pe Řomengi literaturaki thaj publikacijaki sama, aj kodja pe sja le thema kataj demîltuji Jugoslavija, vov sî ekspertongo membro ande nacionalni řomane komitetur, thaj formacijako membro kataj International Romani Writers Association (IRWA).

(Translacija Mozes F. Heinschink)

Alome bibliografija

Demir, Ljatif. 1996. Mahaatma. Skopje: Studentski zbor.

Demir, Ljatif. 1996. 9 čhavorikane paramisja/ 9 детски приказни. [9 detski prikazni]. Skopje: Studentski zbor.

Demir, Ljatif. 2005. Purane romane paramsja/ Стари ромски приказни. [Stari romski prikazni]. Skopje: RKEC Darhija.

Demir, Ljatif. 2006. E Roma… Ромите… [Romite…] Skopje: Institut otvoreno opštestvo-Makedonija.