I Magda Szécsi sasa bijami ko 1958 bersh ano Komádi, Hungaria thaj akak trajil ande Budapest. Voj olako chavoripe nakhadas ande Kher vash e chave bizi daj thaj dad, sa dzi pe ola 18 bersha. Kana agordinas i mashkaruni shkola ande Budapest, voj lijas than ande Hungariako-Pollskako programo thaj agordinas ande Warsaw College vash Medicina. Ande sastipasko umal voj kerdas buchi duj bersh numa, olako intereso irandas pes upral o arti. Voj kererlas pikture kotar 1984 bersh, thaj olaki buchi sasa publicirimi pe but magazinura thaj lila/kenjvi. Kotar e 1990-tone bersha kerelas pikture vi khilale kolorencar.

I Szécsi kerelas buchi sar freelancer kotar 1998 bersh. Pe nakhle nekobor bersh, olakere ilustracije sasa buplicirime ande but lila, numa sar te si, kodi laki buchi shaj te dikhel pes sar independentno arteski buchi. Ko 2000 bersh, voj lijas o Noémi Ferenczy Prizo.
Olaki profesionalno kariera sar hramondi/liljarni, trubuj te phenel pes sostar hramoonelas paramisa vash chavore, khamlipaskere poeme, harne storije, sar vi, harno-lunge storije. Ko 2006-to bersh, olako lil, »Time Shredder«, sasa publicirimo thaj ko 2007-to o lil »Gypsy Mandala«.

I Szécsi lijas than ko but egzibicije trujal sasti Hungari. Olakere butja shaj te arakhen pes ande privatnikane kolekcije, ki Roma Parliament kolekcija sar vi ande Etnografijako Muzeumo ani Budapest.

Haing

http://www.sulinet.hu/oroksegtar/data/magyarorszagi_nemzetisegek/romak/cigany_festeszet_magyarorszag_1969_2009/pages/cfm_67_szecsi_magda.htm

Prizura

2000 Ferenczy Noémi Award

https://hu.wikipedia.org/wiki/Sz%C3%A9csi_Magda