E Mahidjul Maksut (śako anav Šope) bijandili 1939 ando foro Prizren/Kosovo (demîltuji Jugoslavija). Voj barili ando foro Prizren, ande mahala Tanaska Rajća (Terzi Mahala). Pe l’ anglune 1970-utne bêrš voj avili pe sama kata bućarengi migracija ando Beči, Austrija, thaj katka kêrelas bući źi ka peski penzija. E Mahidjul geli-tar amendar ando Bečiando bêrš 2013.

Laki daki śib sas e řomaji śibaki varijanta kata o foro Prizren, savi vorbilas la perfektno, taj savi sî paše Arlisko dialekto. Xarakteristično ka kaća řomaji varijanta taj diferentno kata aver Arliski dialektur sî le vorbe ande Prizrensko śib: hanka (»akana«), le forme hito, hitoj (»vov sî, voj sî«), thaj hiton (»von sî«). E vorba »džal«, kaj sî prinźandi ande l’ maj but řomaja varijante, xasajli ande kaća varijanta; pe lako than sî nakhel.

E Mahidjul źanelas te vorbil paša peskî řomaji śib vi le śiba albanicko, turkicko, njamcicko thaj srpsko-hrvatski. Sar naritorka voj sas but cenime ande peski komuna, kê desja šukares źanelas te formiril peskê divanur kê sas la jek kreativno imaginacija.