Marko Stenroos sičolas socijalno thaj i kulturno antropologija pe Helsinki Univerziteto, ki Finlanda. Akana ko momento kerela buči sar Ph.D. kandidato pe projekti Sa e terne finasirimo kotar e Strategijako Rodipasko Konsilo ki Akademija kotar e Finlanda (312689).

Kotar e 2008 dži pe 2012 berš vov kherdas buči sar rodipasko asistento pe projekto pala e Finsko Romengi historija thaj agorisarda peski magistersko teza pe socijalno vi kulturno antropologija maškar i vrama khana džala sine o projekto.

Oleskero Ph.D. projekto si ethnografsko studija pe Romani politika thaj politikengi implementacija akcenteja pala e zorenge relacija.