E Dr. Nicoleta Bitu si o prezidento pe e Romani Demokratikani Federacija katar e Romanija (ekh federacija vaś em e but aktivne organizacije ande Romanija) o membro kathar o Pakiv Bordo vaś o Europano Romano Instituto vaś Śukh-keripe (Arto) thaj Kultura (ERIAC).

Voj si aktivno ande e umal vaś manuśkane thaj źuvlikane ćaćipena (xakaja) upral katar e 25 berś, voj si pe anglune riga ande e Europutni mobilizacija e romane źuvlikane aktivistonenge thaj pe e advokacija vaś e ćaćipena (xakaja) e romenge.

Ekh pindźardi thaj publikuime eksperta ande laki umal, voj kerda buki vaś e Romani CRISS, e Open Society Foundations (Putarde Źenipenaske/Societoske Fondacije), e Europaki Godjallin (Konsilo), e Europaki Komisija thaj o Romano ButiQ. Laki buki motivirisarda o romano thaj o feministikano meśkipenata te godisaren thaj te keren akcije, save si bazirime pe o universalipe e manuśkane ćaćipenengo, kana vakjardol pes e romane źuvljange.

O fundamento lake tereningoske thaj barjardipenaske aćhel e buki, savi voj kerda ande e terne berśa peske karierake ande thanutne (lokalne) komune, save sas afektirime katar maśkaretnikane ćingara (konfliktura).