Ungrikano filmsko direktoro, producento thaj scenaristo. Vov akorkerda Akademija vaš Drama thaj Filmo sar Filmesko direktoro ko 1963-to berš.

Vov sine membro ko Balasy Bela Studio BBS, sar peršo akava studio sasa filmako klubo kotar e 1951 berš thaj ponaodorig, sas kerdimo sar eksperimentalno dokumentarno filmeskop studio 1961. O studio phravgja pe udara e »javerenge« kotar vaver profesie, sar artistura ja sociologistura, kola so na sine kotor katar e oficijalno filmeski produkcija ko palune berša.

Von dije kontribucija te del pes javer gindipe pe dokumentarno filmo kote so sar glavno egzamplora si e Schiffer-sko filmo Cséplő Gyuri (1978berš). Sar vi akava o BBS pre-kerdas pes ko centro katar o experimentalizmo e buteder zurale reprezentatoncar katar e Neo-avangardno scena. O Schiffer kerdas nekoborom filmora vaš e Roma kote so sikavela/reflektirinela e Kemény’s István-sko sociološko rodipe ko eftavardešutne berša vaš e Ungrikane Roma.

O Schiffer sine kotor katar e Kemény-skoro rodipasko timo kote so ko 1970 berš majangle tradijas vordon, thaj sigate crdijas te kerel dokumentarno filmora. Vov kidijal sikljilas but berša vaš e Roma. Ko oleskero filmo vov džala sas pala e rodipaskere tematora thaj mothovela pe Roma kotar o aspekto pe khera, bučaripe vi edukacija.

O Schiffer-sko avgo glavno dokumentarco vaš e Roma sine o Kalo Treno/Fekete vonat. Lijas pustika/prisora/ thaj jekh olendar si vi o prizo katar e Balázs Béla ko (1971berš).