O Peter Mercer sasa lendo katar leski familija kana sas le efta berš thaj barilas ande khangira kote so sas les pharo čhavoripe thaj akharenas ole Gypsy. Kana sas les varesave lovore, vov gelas ande armija, thaj sasa regularno vojako ande Duke of Wellington’s Regimenta. Vov lijas medalura vaš lesko serviso ande Suez Canal-o thaj ande Cyprus. O Peter sasa trivar Boksesko Šampiono trin berš jekh pala jekh.

Sostar vov džanelas te hramol thaj te ginavel, vov legarelas o maripe vaš e regularno stopuibaskere thana thaj kerdas korkori peski organiyacija, East Anglian Gypsy Council, khetane e John Day thaj Dave Day ko 1970-to berš 1970. Avindoj ande National Gypsy Education Council, vov sasa alusardo pe but thana thaj butivar sasa Šerutno; vov legarelas o NGEC vi e federacija kotar e Roma NGO, leindoj kate vi e Romany Guild, e Southern thaj Northern Gypsy Councils, e Romani Rights Association thaj pesky organizacija EAGC. Vov sasa pe nekobor Lumakere Romane Kongresura, astarindoj kotar o dujto ko 1978-to berš thaj sasa alusardo ko IRU-sko Prezidiumo ko Štarto,

Pančto thaj Šovto Lumakire Romane Kongresura. Ko 1980-to berš, vo legarelas e delgacijen save so ande dži pe dejbe hakaj vaš e nomadikane čhavorengi edukacija vaš o 1981 Edukacijako Akto. Ko 1989-to berš, vov sasa jekh kotar e manuša save so siguringe legalno prendžaripe e Gypsies sar etnikani grupa ande kazoo CRE v. Dutton. Pe kodi vrama vov sasa alusardo sar Educational Welfare Ofisero ano Peterborough City Council savo so dijas oleske pokimo kolestar šaj sas te dživel.

Vov sasa štar berš prezidento ande NGEC numa mukhlas kodi funkcija ko 1994-to berš e Sylvia Dunn-asar kana pharudas pes o alav ko Gypsy Council. O EAGC, avilas khetane e National Federation of Gypsy Liason Groups, kote so vov ačhilas Prezidento ko 2005-to berš. Vov reslas o phursak/prizo MBE (Member of the Order of the British Empire), kotar o gaverno ko 2000-to berš. Pe phureder berša vov phirelas pe sode so šaj sas konsultacije thaj legarelas peskere medalura. Lijas than ko beršeski Romani, Gypsy and Travellers veteran’ ceremonija organizirimi kotar e Traveller Family Association on Remembrance Day (11-to novembro). Šela thaj šela manuša rovenas an lesko prahope.