Pétia Iourtchenko, khelutno, koreografo, sičari, si vizionarno khelutno savo so vazdel e Rusijaki Romani khelibiski tradicija thaj anindoj ola khetane e javere Romane khelibaskere stiloncar. O Iourtchenko sasa bijamo ande Ukraina ko 1957-to berš, ande industrijako foro Donetsk, pe Vlach Romani komuniteta. Pe deš thaj šov berša vov pe audicija avilas membro ande prestižno Teatra (Teatro) Romen kerdino ko 1931-to berš, ande Moskva. Vov lijas kotor ande performance kodo momento kana avilas membro ande kompanija thaj ulas o majterno aktero, khelutno thaj giljavutno ande teataroski historija.

Paralelno kodolesar, vov sičolas ande Gnesenikh Instituto, studirindoj tatrikano arti, khelibe, giljavipe thaj historija. Kotar 1974-to dži pe 1988-to berš, ole sasa performance pe sasti Rusia, sar vi avrijal (Japan, India, nekanutni Jugoslavija, Franca thaj but javera them). Ko 1988-to berš, vov sikavdas pes trupasar vaš avgo drom pe Teatro Mogador ano Paris. Ko 1989-to berš vov mukhlas e Romen Teatro thaj irandas pes palpale ande Paris, kote so khelelas pe buteder kabarea, specijalno ande Balalaika, kote so but artistura kotar stungorigakere Europa kerenas performance. Kote vov arkhalas pes e Pascal de Loutchek-osar, giljavutno thaj gitaristi kotar e Rusia thaj e Lilia Dalskaia-sar, giljavutni thaj nekanutni akterka kotar o Romen Teatro. Khetane von kerdine o Arbat Trio, savo so kerelas performance ande New York, Londono, Oslo, Madrido, Budapešta thaj but javera forura, kerindoj festivalura thaj kerindoj trin albumija.

Ko 1994-to berš o Iourtchenko kerdas i kompanija, Romano Atmo, so pe romani čhib si ‘Romani duša’, ande Paris, peskere romnjasar Anne-Marie Iourtchenko. I kompanija sasa kerdini te ikerel dureder e Romane kultura, tradicija thaj khelibe. O Iourtchenko si kreatoro kotaro Romane khelibaski metoda, so si koreografijaki čhib thaj pašljovel upral e tradicije kotar olesko them thaj pe Romane culture trujal Europa.

Kotar 1994-to berš, o Iourtchenko sikavelas peski khelibaski metoda vaš e ‘na-Roma’ thaj kerelas buči ande Akademija pe Koreografijakere Artura ande Arts, at Cité Véron ano Paris (kotor katar e asocijacija MTK La Danse). Kotar 2010-to berš, vov sikavelas ande Internacionalno Filmeski Škola ande Paris (EICAR), kerindoj buči e studentoncar katar e Acting Division. Ko 2005-to berš, vov kerdas buči e Marie-Claude Pietragalla thaj e Julien Derouault pe produkcija, Ivresse thaj khetane e Romano Atmo kompanijasar sikavdas pes ande filmo, Rires et châtiments, režirimo ktar Isabelle Doval thaj José Garcia. Ko 2011-to berš, vov sikavdas pes ano filmo Rockstar khetane e Ranbir Kapur-esar.