Dr. Petra Gelbart si Romani edukatora, sikjardi thaj muzikashka/bashavdi.

Peski familija sikadjas la i muzika thaj i Romani shib kana barijolas ando Chexiko. Kerdjas peski disertacija te dubil laki Ph.D (Doktoripe ande Filosofija) ande muzikologija/etnicko muzikologija kathar Harvard University (Harvardico Universiteto) thaj pala godja woi sas i dujto-funditora kathar i Iniciativa vash i Romani Muzika ando New York University (Niujorkicko Universiteto).

Lako rodimos thaj interezhura inkluzhin inter-etnikicko komunikacija, i sikologija la muzikaki, o Holokosko/Porajimos, thaj institucialno etnografija. Pe universiticko levelo, woi sikavelas i theorija, i praktika thaj o kulturalno konteksto kathar Romani muzika thaj-vi avre disiplinura.

Dr. Gelbart si thaj-vi oficialnonja chachjardi therapista ande muzika kaj si la barjarimaske thaj sastjarimaske specializaciji.

Opral te kerel buchi ando New York (Niujorkicko Foro) woi kerel buchi le familijansa kaj barjaren le Romane mashtivi/bi-chache thaj adoptime shavoren/shavoren ande cera.