O Robi Botos uľilas andro berš 1978. Hino ungriko-kanadcko sthovkeľaris the pijanistas. Uľilas andro Nyiregyhaza andro Ungriko jekha bašavibnaska fameľijake. Peskeri karijera chudľas, sar has čhavoro. Peršo bašavelas pre bubna the paľis chudľas te bašavel efta beršendar pro klaviris. Perdal jekh berš chudľas te bašavel profesijonalnones andro Ungriko.

Aščal kada, hoj has andro Ungriko o Roma marde o Robi emingriďas peskera romňaha the čhavorenca andre Kanada, kaj mangle statusis denašles, sar ungrike Roma. Pre agoreste len mukhle kodoj te bešel. O Botos furt sikhavel andro peskere giľa the aver buťa sar hine o Roma marde (irinďas bašaviben per-dal o filmos ‘Na rachinde džene, sikhavel romano holocaustos’).

Andro Toronto o Botos pricirdelas le prindžarutnes klaviristas le Oscar Peterson, lestar ačhiľas leskero mentoris the has les vplivos pre Botosoveskeri techňika the improvizačno štilos. Jekhetane kale vplivo-ha o Botos džal avri andal bari goďi – tradicija romaňi, ungriko the evropsko manušengero he džanib-naskero bašaviben. Leskero jekhetaňiben kale štilenca le severoamericko bebopoha, hard bopoha the moderno jazzoha hin impozantno na premardo hangos.

O Robi kerďas vajkeci alba sar baro lidros the has pro but aver bašavibnaskere projekta. Leskero džido bašaviben leske anďas maškarthemutno paťiv – avri khelďas but suťaža pal calo luma.