O Romano Centro pala e Socijalno Intervencija vi Studije (Romani CRISS) si jekh kotar e nekoborom organizacije pala e Romane hakaja kherdi ko tranzicijake thema ki Centralno vi Čhačhe rigeski Europa so ačili vi adadžives aktivno. Romani CRISS si jekhutni Romani organizacija Rumunijate savi so ko Khetanutne Nacije lijas konsultativno statuso ko Ekonomikano Socijalno Konsilo (ECOSOC) kerdini si ko 1993 berš kotar e Nicolae Gheorghe thaj nekoborom avera džene Romane aktivistora e ažutipaja katar i Romani Etnikani Federacija (FER), o Rodipasko Centro vaš e Roma/Gypsies, kotar e Rene Descartes Univerziteto ko Pariz thaj o Sociologijako Instituto kotar e Romanijaki Akademija.
Ko nakhle nekobor dešh beršipa, o Romani CRISS dokumentiringja buteder kotar e 500 kejsora pe Romengo hakajengo dukavipe, kolendar pala nekobor andine si nacionalno krisoske decizije vaj pale decizije kotar e Europako Kris pe Manušikane Hakaja (ECtHR). I organizacija crdijas buči vi dureder kerela koordinacija pe miškipe pala i desegregacija maškar e Romane čhave ko Ruminijake šhkole. Trujal bičalipe rovipe pe kris/litigacija, kerde rodipe, pilot/testiribaske projektura, sikavnengo treningo,vi politike thaj jurisdikcija vi advokasi, I organizacija sakana avela sine mamuj e čhavengo čhivibe ko ulavde klasora vi šhkole. Kerdas vi dijas evidento kotar akala praktike, o Romani CRISS dokumentiringja buteder kotar e 30 kejsora kotar e segregacija.

Phustika/Prizora

Phustik vaš e Civilno Societa Gala phustik vaš e Arakhipe pe Individualno/Kolektivno Manušikane Hakaja

Phustik kotar e ERSTE Fondacija vaš o Prepinžaripe

Europaki Unija vi Khetanutne Amerikake Thema Pustik pala e Demokratija vi Civilno Societa