O Romedius Mungenast barilo ande ‘g jenišicko familija ando Tirolo sar dujto bêjato kata deš-u-jek bêjatur. Khêre vorbilas leski familija e jenišicko śib. Leski familija trajilas ande ‘k kašteski koliba pe dorjavosko parto kataj len Inn. O Romedius sas jeg kata l’ prvi jenišicka manuša ande Austrija savo či garadja pesko jenišicko koreno. Vov thodja sja peski zor, te sîkavel la publikakê e jenišicko kultura thaj grižîlas ilesa thaj godjasa. Paša peski bući kaj željesnica formirisardja vov jeg buhlo arxivo barvale materialosa paj jenišicko historija thaj kultura. Leskê kidine materialur arakhadon akana ando muzejumo ande Landeck-oski foroski djiz thaj sî akana pîterde la publikakê. O Romed delas redovno prezentacije ande škole, ande l’ diverzni univerzitetur thaj vi pe kulturakê kidimata. Vov ramolas poemur thaj publicirisardja jeg kidimos kata priče thaj poemur le anavesa »Jenische Reminiszenzen« (dikh vi o poemo: ). Vo formirisardja ande Austrija e prvo jenišicko self-organizacija Jenischer Kulturverband. Pala skurto vrjama mêklja la anda opinijakê diferencije. Maškar le but paćiva kaj anzardile leskê, peren e Verdienstmedaille des Landes Tirol, jeg honorano profesura kata univerziteto Innsbruck, thaj ande Švajcarska kêrdilo lo honorarno membro kata Radgenossenschaft der Landstrasse. O Romed mêklja kaća ljuma pala jeg maj lungo nasvalimos ka februaro 2006 ando Innsbruck.

(Translacija: Mozes F. Heinschink)

Bibliografiija

Mungenast, Romedius. 1990. Der Gschutzlbåcher! / Der Irre. In: Gerald Nitsche (Hg.), Österreichische Lyrik und kein Wort Deutsch. Zeitgenössische Dichtung der Minoritäten. Innsbruck: Haymon Verlag, 30–31.

Mungenast, Romedius. 1990. Es schuberlet / Es geistert. In: Gerald Nitsche (Hg.), Österreichische Lyrik und kein Wort Deutsch. Zeitgenössische Dichtung der Minoritäten. Innsbruck: Haymon Verlag, 32–33.

Mungenast, Romedius. 1990. Jenische Reminiszenzen. In: Gerald Nitsche (Hg.), Österreichische Lyrik und kein Wort Deutsch. Zeitgenössische Dichtung der Minoritäten. Innsbruck: Haymon Verlag, 27–29.

Mungenast, Romedius. 1990. Jenisches Liebesgedicht. In: Gerald Nitsche (Hg.), Österreichische Lyrik und kein Wort Deutsch. Zeitgenössische Dichtung der Minoritäten. Innsbruck: Haymon Verlag, 34.

Mungenast, Romedius, ed. 2001. Jenische Reminiszenzen. Geschichte(n), Gedichte, ein Lesebuch. Landeck/Tirol: EYE Verlag.

Kolosz, Martin, ed. 2007. Romed Mungenast: Eisenbahner, Dichter, Forscher und Aktivist. Mit Beiträgen von Erich Hackl, Thomas Huonker, Romed Mungenast, Gerald Kurdoglu Nitsche, Christine Riccabona, Sieglinde Schauer-Glatz und Helmuth Schönauer. (= Tiroler Identitäten Bd. 2). Innsbruck: Kyrene.