O Šemso Avdić sî jek Xoraxano Rom kaj bijandilo 1950 ando foro Banja Luka. Pe kuća vrjama sas kodo foro jek kotor kata Jugoslavijaki Federativno Republika Bosna thaj Hercegovina. Sar but bosnijakur thaj specifično jugoslavijakê Řom, de kata 1970 trajilas vov taj kêrelas bući vi ande demîltuji Jugoslavija thaj vi ande Italija. Leski familija emigririsajli ando bêrš 2000 ando Švedo. Vov kêrel bući ando Romano Kulturako Centro ando foro Norrköping.

Leski angluji poezijaki kolekcija anklisti ande Italija ando bêrš 1985. De atunčara publicirisardja o Šemso oxto poezijakê knjige, proza, memorijakê knjige thaj esejur pe řomaji, italianicko, srpsko-kroaticko thaj bosansko śib. Vov ramol peski poezija thaj esejakê buća pe řomaji śib thaj publiciril le ande l’šêrutne žurnalur ande l’thema kata demîltuji Jugoslavija, thaj vi ande Italija, ando Francuzo thaj ando Švedo.

Ande leski knjiga »Karta u jednom smjeru« [›Dromesko tiketo karing numa jeg rig‹], o Šemso dokumentiril narativonca thaj fotografijenca le Řomengi sudbina kata lesko foro Banja Luka ando 20-to šêlutno bêřš. Vo sîkavel, sar buhlilo o nacionalizmo ando bêrš 1990, sar sas te mêken le Řom pengo them thaj sar von či maj haćaren pe khêre ande adjesuji Bosna.

(Translacija: Mozes F. Heinschink)

Bibliografija

Avdić, Šemso. 1985. Poesie. Edited and translated by Sergio Francese. Cuneo: Edizioni Primalpe.

Avdić, Šemso. 1993. Sanguina il cuoredei Rom / Ratvaro lil o romano. Forlì: Edizioni Forum.

Avdić, Šemso. 1998. Romi od rodjenja do smrti. Banja Luka: B.Z.K. Preporod.

Avdić, Šemso. 2010. Romska sudbina lancima okovana: zbirka poezije. Banja Luka: Dnevne nezavisne novine.

Avdić, Šemso. 2014. Karta u jednom smjeru. Odiseja Roma Banjaluke Krajem XX Vijeka. Banja Luka: Grafid.

Avdić, Šemso. 2016. Banjaluko ljubavi snovima viđena. Banja Luka: Književna zajednica »Vaso Pelagić«.