O Slobodan Berberski (1919-1989) sas partisano thaj kumpano kata jugoslavijako šêrutno o Josip Broz Tito. Vov sas savezako membro kata le jugoslavijakê komunistur, pioniri ando řomano miškimos thaj pioniri kata řomaji poezija ande Jugoslavija.

Vov publicirisardja maj but de 10 poezijakê kolekcije pe srpsko-hrvaticko śib thaj vi jeg novelo. Leskê delur sî nakhade pe řomaji śib, pe francuzicko, řusicko, ungaricko, rumunicko, albanicko thaj slovenicko śib. Numa leskê žurnalisticki publikacije dikhên pe maj importantni pala řomano miškimos nego leski impresivno literaturaki produkcija. Lesko artiklo, kaj publicirisardja 1969 ando žurnalo »Večernje novosti« thaj savo rodel, te upotrebil pe o termo »Roma« (po than katar »cigani«), thaj leski želja, te le Řom aven priznajime sar nacionaliteto (narodnost), dikhên pe sar maj importantno punkto ande Jugoslavijaki řomaji politika. Palal ankêrdja pe o termo »Roma« oficijalno ande publika, ande nauka, ande politikakê diskursur pe federalno levelo thaj vi ande sja la Jugoslavijakê republikê. »Roma« sar kategorija hasnisajlo vi ka oficialni censusur, thaj pe federacijakê teritorur formirisajli jeg sekcijaki mrjaža tala ambrelaki organizacija »Rom«.

O Slobodan Berberski angêrda la jugoslavijaki Řomengi delegacija, ka aprilo 1971 ando Londono pe Angluno Ljumako Romano Kongreso; kote alosajlo prezidentoskê.

(Translacija: Mozes F. Heinschink)

Alome bibliografija

Berberski, Slobodan. 1950. Za kišom biće duga. Zagreb: Novo Pokoljenje.

Berberski, Slobodan. 1950. Proleće i oči. Novi Sad: Matica Srpska.

Berberski, Slobodan. 1955. Uze. Novi Sad: Progres.

Berberski, Slobodan. 1959. Nevreme. Beograd: Nolit.

Berberski, Slobodan. 1968. Kote. Cetinje: Obod.

Berberski, Slobodan. 1976. Odlazak brata Jakala. Beograd: Nolit.

Berberski, Slobodan. 1977. Kao beskožni jeleni. Subotica: Osvit.

Berberski, Slobodan. 1979. Još san sebe da dovrši. Zrenjanin: Gradska biblioteka »Žarko Zrenjanin«.

Berberski, Slobodan. 1982. Međje. Novi Sad: Matica srpska.

Berberski, Slobodan. 1983. Svakodnevnica. Zagreb: Naprijed.