O Wilhelmus Falize hino holancko fotografos, režiseris the kerdo raďiťeľis andal o jekhetaňiben BluHannah Productions. Avri bariľas andre kultura Sinti andro Holancko, kaj les leskeri daj – sintsko jazzovo džaňibňi – les prindžarďas le kumštoha pal e moda the kumštovno dživipnaskero štilos. Andro berš 2002 chudľas o Falize te sikhľol pre uznajimen fotograficko akademija andro Amsterodamos. Falize chudľas peskeri karijera andro modno ľil La Vie En Rose andro berš 2005. Paľis andro Creative Artist PT kerďas ekskluzivno kampaňa perdal o rekľamna agenturi the redakčno ľil pal calo luma. Andro berš 2008 zathoďas Falize produkčno jekhetaňiben Venswich Films le producentoha Bartoha Hendriksoha the ľidžalas than perdal o videja, filmos the fotki.

O Falize pašoda kerďas aver sikhade kampaňa perdal o Otazu, Eric Kuster, Hutton, Fracas Noir the Icon Suits. Andro berš 2010 kerďas solovo avrithovkeriben andro Hollywood Living andro Milano. O Falize hino prindžardo sar baro fotografis peskere šukar, intimno portretoha the klasicko vizualna čhibaha. Leskere fotki pes lačhaven andro thana maškar o pregelo the adaďiveseskero, leskere kerde fotki hine minďar prindžarde. Leskere buťa pes sikhade andro publikaciji Elle Magazine, Elle Decor, N’Style, The Bund, Avantgarde the Esquire.