Yago Leonard si bijamo ande Sant Adria de Besos, ande Barcelona-ki periferija, ko 1981-to bersh. Tono ande lokaliteto La Mina, kote so sikavenas e profesorura kotar o Autonomous University katar Barcelona. Pala kodi vrama, vov kerdas pesko treningo korkoro thaj achilas rezhisero so korkoro sikavdas pes.

Vov skrinisardas thaj rezhirindas nekoboro skurtone dokumentarno filmura sar so si »Renacer, Gitanas y Alberto« (»Gypsy and Alberto«), sikavdino okotar TVE. Vov sasa alusardo sar finalisto ande kompeticija vash skurtone filmura TVE El tren. Paralelno kadale buchasar vov organizirindas thaj kerdas o video »La Mina I want« vash o Konzorciumo de La Mina, so kerelas video vash o magazino Estate Andaluzas sar vi vash o disko Antonio Orozco Cadizfornia (2006) sar vi vash o Curt Ficcions festival (2003-2010).

Vov kerdas buchi vi sar asistento pe set-osko dekoratoro ando filmo »La Monja« (2005), producirime kotar o Filmax, thaj sar asistent inzhenero khetane e La Fura dels Baus ande performansa »Imperium« (2007). Ko 2010-to bersh, kerdas o filmo »The new Sant Adrià«, vash City of Sant Adria de Besos.

Ko 2011-to bersh o Leonard rezhirindas o dokumentarno filmo [»Jacques Leonard, el payo Chac« link: fil_00365], so sasa bazirimo upral e fotograferesko papo. O filmo sasa producirimo kotar [Curt Ficcions Curt Produccions SL link intern: Curt Ficcions] ki internacionalno koprodukcija e TVC (Televisio de Catalunya) thaj e TVE. Pe kodi vrama, vov kerel buchi upral duj projektura: skrinisarel scenario vash filmo pe Jacques Rosario thaj dokumentarno filmo vash eksterminacija e Rromengi ande Nazi koncentraciono kampura.

Haing

https://www.filmin.es/director/yago-leonard

Filmografija

2011 Jacques Leonard, El Payo Chac